GAROOWE- Wasiir Ku-xigeenka Maaamulka Wasaaradda Maaliyadda Dowladda Puntland ayaa  shir guddoomiyay kulan looga hadlay horumarinta shaqada Wasaaradda Maaliyadda.

Kulanka waxaa ka soo qeyb galay Agaasimaha Guud ee Wasaaradda Maaliyadda, Ku-simaha Xisaabiyaha Guud ahan Ku-xigeenka, Agaasimaha Guud Ku-xigeenka Dakhliga, Agaasimaha Ku-xigeenka Maamulka iyo Maaliyadda, Agaasimeyaasha waaxyaha kala duwan ee Wasaaradda iyo madax qaybteeda.

Agaasimaha Guud ee Wasaaradda Maaliyadda

ayaa warbixin dhammaystiran oo ay soo diyaariyeen Agaasimayaasha waaxyaha Wasaaradda la wadaagay Wasiirku xigeenka Maamulka.

Wasiirka ayaa bogaadiyey habsami u socodka shaqada Wasaaradda Maaliyadda waxana uu faray in la muujiyo dadaal dheer ah oo ku aadan dhanka shaqada.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

BOOSAASO – Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa ka qayb galay daah-fur loo sameeyey Maxjar Cusub oo laga hirgeliyey Magaalada Boosaaso.

Maxjarkan oo loo bixiyay Shaakir International Veterinary Quarantine Company ayaa furitaankiisa waxaa ka qayb galay xubno ka tiran Golaha Wasiirada, Ganacsato, Dhakhaatiir iyo masuuliyiin kale oo ka tiraan Dowladda Puntland.

Maxamed Faarax Maxamuud Wasiirka Wasaaradda Maaliyadda ayaa bogaadiyey hirgelinta Maxjarkan Cusub waxana uu sheegay in laga helidoono shaqo abuur dalkana uu soo gelin doono dhaqaale.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

BOOSAASO – Wasiirka Wasaaradda Maaliyadda Dowladda Puntland Mudane  Maxamed Faarax Maxamuud oo hawlo shaqo u jooga Magaalada Boosaaso ayaa kormeer shaqo ku tagay kastamka Wasaaraddu ku leedahay Dekeda.

Kormeerkan Wasiirka waxaa ku weheliyey Wasiirka wasaarada dekeddaha iyo gaadiidka badda DPL,Wasiirka Ganacsiga,Wasiirka Xanaanada xoolaha, Maamulaha furdooyinka gobalka Bari ,Taliyaha Dekedda iyo Mas’uulyiin kale oo ka tirsan Wasaaradda Maaliyadda.

Maamulaha furdooyinka gobalka Bari Maxamed Yuusuf ayaa Wasiirka la wadaagay xogta shaqooyiinka socda, Heerka dakhliga dalk iyo Badeecaddaha ka soo dega kana dhoofa Dekeda.

Wasiirka Wasaaradda Maaliyadda Mudane Maxamed Faarax Maxamuud oo  ugu dambayna booqday Xafiisyada iyo goobaha kale ee shaqada ayaa bogaadiyey habsami u socodka shaqada iyo habka loogu shaqaynaayo bulshada Cashuur bixiyaasha.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

BOOSAASO – Wasiirka Wasaaradda Maaliyadda Dowladda Puntland oo ay weheliyaan Wasiirka Wasaaradda xannaanada Xoolaha iyo Wasiirka Wasaaradda Ganacsiga ayaa booqday Maxjaradda Naaxinta xoolaha ee ku yaala Magaaladda Boosaso.

Maxjarada ay booqada ku tageen Wasiiradu waxaa ka mid ah WADANI IYO ALJAABIRI xiligii ay Wasiiradu booqdena ay halkaasi ka socdeen shaqoyinka daryeelka xoolaha.

Xubnaha Golaha Wasiirada uuna hogaaminaayey Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa halkaasi waxaa ku soo dhoweeyey Maamulka Maxjarada, Ganacsatad Dhoofka xoolaha

iyo Dhakhaatiirta ka hawl gasha..

Mas’uuliyiinta Maxjarada WADANI IYO ALJAABIRI ayaa Wasiirada la wadaagay shaqoyinka socda, tayada Xoolaha Maxjaradda ku jira, inta dhooftay iyo xoolaha diyaarsan ila la qaado.

Wasiirka Wasaaradda Maaliyadda

Dowladda Puntland ayaa mas’uuliyiinta Maxjaradda ku aamaany shaqada baaxada leh ee ay hayaan waxana uu ku booriyey in ay sii wadaan dadaalkooda daawaynta iyo naaxinta xoolaha si loo helo xoolo tayadoodu aad u saryso.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

BOOSAASO – Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa kormeer shaqo ku tegey dhismayaal casri ah oo ay leedahay Wasaaradda Maaliyadda laguna dhisaayo hab isku tashi ah lagana hirgelinaayo Boosaaso.

Goobaha shaqadu ka  ka socotay ee Wasiirku booqday waxaa ka mid ah Xarunta Wasaaradda Maaliyadda iyo kastamka Wasaaraddu ku leedahay garoonka diyaaradaha ee Boosaaso.

Kormeerkan Wasiirka waxaa ku weheliyey Maamulaha Furdooyinka Gobalka Bari, Maamulaha kastamka Garoonka, Maamulaha Cashuuraha beriga Gobolka Bari  iyo mas’uuliyiin kale oo ka tiran Wasaaradda Maaliyadda.

Mas’uuliyiinta Shirkadaha GONDAGOYE iyo HANTAARA  ee wada dhismayaashan ayaa Wasiirka la wadaagay halka ay marayaan shaqoyinka socda iyo macluumaad dheeri ah.

Maxamed Faarax Maxamuud oo halkaasi ka hadlay ayaa ka hadlay hirgilinta xarumahan casriga ah ee loo dhisyaaso Wasaaradda Maaliyadda qaybteeda Gobolka Bari.

“Dhismaha Xarumahan Wasaaradda Maaliyadda iyo Xarumo kaleba waxaan ku dhisnay Cashuurta Shacabka Puntland laga qaado, waana shacab markastaba garab taagan Dowladdooda si dalka loo hormariyo”  Wasiirka Wasaaradda Maxamed Faarax Maxamuud

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Madaxda Wasaaradda Maaliyadda Dowladda Puntland ayaa warbixin ku aadan diyaarinta Miisaaniyadda sannadka 2026 ka dhageysatay Waaxda Miisaaniyadda.

Kulanka waxaa goob joog ahaa Wasiirka Wasaaradda Maaliyadda, Wasiiru-dowlaha Wasaaradda Maaliyadda,Wasiir ku-xigeenka Maaamulka, Wasiir ku-xigeenka Dhakhliga, Agaasimaha Guud ee Wasaaradda, ku-simaha Xisaabiyaha Guud oo ah Xisaabiye ku-xigeenka iyo Agaasimayaasha Wasaaradda.

Miisaaniyaddan la Soo badhigay ee 2026 ayaa ka duwan kuwi hore, iyadoo lagu salayndoono baahiyaha aasaasiga ah ee dowladnimada, si loo helo qorshe dhaqaale oo wax ku ool ah oo ka jawaaba duruufaha jira.

Intii uu kulanku socday, Guddiga Farsamada Miisaaniyadda ayaa faahfaahin dheer ka bixiyay marxaladaha diyaarinta miisaaniyadda, mudnaanta loo dejiyay, adeegyada muhiimka ah, iyo meelaha la qorsheeyay in dib-u-habayn lagu sameeyo.

Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa bogaadiyey Isku duba ridka Miisaaniydda waxana uu amray in la sii hormariyo laguna daro qorshayaasha la soo jeediyey.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Agaasime guud ku-xigeenka Dakhliga Wasaaradda Maaliyadda Dowladda Puntland Mudane Cabdulqaadir Axmed Xaashi ayaa shir gudoomiyey kulan uu la yeeshay waaxyaha dakhliga laguna qabtay Xarunta dhexe ee dakhliga.

Kulanka oo ay ka soo qayb galeen Agaasimahaysha waaxyaha iyo madax qaybeedyada ayaa looga hadlay

Sagaalkii bilood ee la soo dhaafay horumarka la sameeyey kicinta dakhliga Gobolada dalka, Caqabadii jiray iyo shaqooyinka dhanka Dakhliga lagu hor marinaayo.

Intii uu socday Shirkan ku aadan dardargalinta dakhliga waxaa la soo bandhigay Qorshaha hortabinta dakhliga ee Sanadka soo socda hadii Alle idmo ee 2026 oo siwayn looga dooday.

Ugu dambayn Cabdulqaadir Axmed Xaashi Agasime guud ku-xigeenka Dakhliga Wasaaradda Maaliyadda ayaa bogaadiyey xogihii la soo bandhigay kuna adnaa dardargalinta dakhliga waxana uu Mas’uulyiinta kulanka ka qaybgalay ku booriyay in laga sugaayo dakhligii dalka lagu Difaaci lahaa laguna hormarin lahaa.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Madaxda  Wasaaradda Maaliyadda Dowladda Puntland uuna Hoggaaminaayo Wasiirka Wasaaradda ayaa xafiiska ku qaabilay wafti ka socday Hay’adda UNDP.

Mas’uuliyiinta ka socday Hay’ada UNDP ayaa madaxda Wasaaradda Maaliyadda kulan kala yeeshay diyaarinta mashruuc lagu taaraageeerayo horumarinta dawladaha hoose ee degmooyinka Puntland.

Mashruucan ayaa ka caawinaya dawladaha hoose kor u qadista adeegyada asaasiga ah, kobcinta dhaqaalaha maxliga ah, hirgalinta daadijinta Maaliyadda iyo kicinta cashuuraha degmooyinka Puntland.

Madaxda Wasaaradda Maaliyadda ayaa kulanka ku muujisay sida ay uga go’an tahay in ay kaalin muuqata ka qaadaataan hirgelinta qorshahan, maadaama uu muhiim u yahay horumarinta nidaamka maaliyadeed ee dowladaha hoose iyo kobcinta dhaqaalaha guud ee Puntland.

Ugu dambayn kulankan ayaa laysku afgartay dhammaan qodobadii looga wada-hadlay hadlay labada dhinac.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasiirka Wasaaradda Maaliyadda Dowladda Puntland,oo ay weheliyaan Wasiirudowlaha Wasaaradda,Wasiir Ku-xigeenka Dakhliga ayaa guddoomiyay shir looga hadlayay Qaab-dhismeedka Miisaaniyadeed Dowladda Puntland ee sanadka 2026.

Shirkan oo ka dhacay xarunta Wasaaradda Maaliyadda ayaa waxaa goob joog ahaa Agaasimaha Guud ee Wasaaradda Maaliyadda,

Ku-simaha Xisaabiyaha Guud ahna Xisaabiye Ku-xigeenka, Agaasime Guud Ku-xigeenka Dakhliga, iyo Agaasimaha Waaxda Miisaaniyadda.

Intii uu socday shirka, waxaa si faahfaahsan loo soo bandhigay qeyb qoralka Miisaaniyadda Dowladda Puntland ee sanadka 2026, iyadoo la isla falanqeeyay qorshayaasha iyo jihada guud ee maaliyadeed ee sanadka soo socda.

Shirka ayaa qeyb ka ah dadaallada Wasaaradda Maaliyaddu ku xaqiijinayso hufnaanta, isla xisaabtanka iyo qorsheynta maaliyadeed Dowladda Puntland.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Madaxda Wasaaradda Maaliyadda Dowladda Puntland uuna Hoggaaminaayo Wasiirka Wasaaradda Mudane Maxamed Faarax Maxamuud ayaa ka qaybgalay kulan uu shir gudoomiyey Guddoomiyaha Golaha Wakiillada Dowladda Puntland, Mudane  Cabdirisaaq Axmed Siciid loogana hadlay xaaladda Guud ee dhaqaalaha Puntland iyo dabagalka Miisaaniyadda 2025.

Gudoomiyaha Golaha kulankan waxaa ku weheliyey Guddiga Maaliyadda, Dhaqaalaha iyo Xisaabaadka Golaha Wakiillada iyo mas’uuliyiinta Wasaaradda Maaliyadda Puntland.

Golaha ayaa Madaxda Wasaaradda Maaliyadda wax ka waydiiyey arrimaha dhaqaalaha dalka,nidaamka guud ee Maaliyadda, kharash bixinta qoondada miisaaniyadda hay’adaha dawladda iyo in la dhaqan geliyey Miisaaniyadda 2025 ee Goluhu ansixiyey.

Intii uu socaday kulanka waxaa Madaxda Wasaaradda Maaliyadda Dowladda Puntland si gaar ah wax looga waydiiyey xaquuqda shaqalaha, ciidamada iyo guud ahan cabashooyinka jira.

Wasiirka Wasaaradda Maaliyadda Mudane Maxamed Faarax Maxamuud ayaa Golaha Xog dheeri ah ka siiyey guulaha ay gaartay Wasaaraddu ee ku aaddan Dakhli ururinta, kharash bixinta, caqabadaha jira iyo sidii si wadajar ah xal loogu helihaa caqabadaha jira.

Ugu dambayn kulanka ayaa noqday mid laga gaaray guulo wax ku ool ah loona balamay kulamo kale.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland