GAROOWE – Xarunta dhexe ee Wasaaradda Maaliyadda Dowladda Puntland waxaa maanta ka bilaamay Ollole nadaafadeed oo ay Hoggaaminaayaan Wasiirka Wasaaradda Maaliyadda Mudane Maxamed Faarax Maxamuud  iyo Wasiirudowlaha Wasaaradda Mudane Maxamuud Shiikh Ciid.

Agaasimaha guud ee Wasaaradda, Xisaabiye Ku-xigeenka Dowladda, Agaasimayaasha waaxyaha, Madax qaybeedyada iyo guud ahaan Shaqaalaha kala duwan ee Wasaaradda ayaa si wada jir ah uga qayb qaatay Ollolahan nadaagadeed.

Agaasimaha guud ee Wasaaradda Maaliyadda Dowladda Puntland Mudane Axmed Jaamac Jowle ayaa Madaxda Wasaaradda uga mahadceliyey keenista Hindisaha Ollolaha nadaafada ayna sii wadi doonaan.

Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa iclaamiyey in bilwalba dhamaadkeeda maalinta khamiista ah laqaban doono Ollolaha nadaafada Xarumaha Wasaaradda.

khamiis walba loo asteeyay Ollolaha Nadaafada Xarumaha Wasaaradda Maaliyadda si guudna looga qayb qaadan doono ayana muhiim tahay in laga shaqeeyo nadaafada.

Intii uu socaday Ollolaha Nadaafadeed waxaa lagu guuleystay in kor looqaado nadaafada  guud ee xarunta dhexe ee iyo dhinac.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasaaradda Maaliyadda, Wasaaradda, Hawlaha Guud iyo Gaadiidka iyo Taliska Ciidamada Booliska oo kulan ku yeeshay Xarunta Wasaaradda Maaliyadda.

Kulanka ayaa looga  wada hadlay sidii looga hortagilahaa Xad gudub yada Wadooyinka ka dhaca iyo in wadayaasha gaadku helaan Sharciyada Wadida Gaadiidka siwada jirina looga shaqeeyo.

Shirkan waxaa ka qaybgalay Wasiirka Wasaaradda Maaliyadda,Wasiirka Wasaaradda Hawlaha Guud, Wasiirudowlaha Wasaaradda Maaliyadda, Wasiir Ku-xigeenka Dakhliga Wasaaradda Maaliyadda, Taliye Ku-xigeenka Ciidamada Booliska, Xisaabiye Ku-xigeenka Dowladda, Saraakiisha Ciidamada nabadgalyada wadooyinka, Agaasimayaasha labada Wasaaradood. Iyo mas’uuliyiin ka socday Shirkada Badbaado.

Shirkan intii uu socday Mas’uuliyiinta Shirkada Badbaado ayaa halkaasi ku soo bandhigay Muuqaal ku aadan habka Wado marista iyo sida loo ganaaxo wadaha gaadiidka hadii uu qalad galo.

Agaasime guud ku-xigeenka Dakhliga Cabdulqaadir Axmed Xaashi ayaa Madaxdii shirka uga warbixiyey xogta shaqooyinka wado marista ee ay ka wada shaqaynaayeen Wasaaradda Maaliyadda, Wasaaradda Hawlaha Guud iyo Taliska Ciidamada Booliska waxana uu sheegay

in ay tababaro u qabteen Ciidamada nabadgalyada wadooyinka si ay ugutaan waajibaadkooda shaqo

Taliye Ku-xigeenka Ciidamada Booliska Dowladda Puntland oo halkaasi ka hadlay ayaa xusay in ciidamada booliisku qaadan doonaan qaybta kaga aadan ayana tahay talaabo muhiim ah oo u wanagsan dalka iyo dadka.

Wasiirka Wasaaradda Hawlaha Guud ayaa sheegay in ay muhiim tahay  in la dardargeliyo hirgelinta xogta wado marista, Dowladdana dakhli uga soo bixi doono, ka Wasaaradda ahaana ay garab istaagi doonaan.

Wasiirka Wasaaradda Maaliyadda oo ka hadlay kulan ayaa umahad celiyay masuuliyiinta kulan soo qaban qaabiyey waxana uu  ka hadlay in ay muhiim tahay in la ogaado bad qabka gaadiidka iyo in wadaha gaadiidku haysto ruqsada baabuur wadida dhammaan magaalooyinkana laga xaqiiyo.

Ugu dambayn shirkan ayaa laysku afgartay dhammaan qodobadii looga wada-hadlay ee hirgelinta barnaamijka bad qabka gaadiidka iyo dad wayanah Puntland.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

BOOSAASO – Wasiir ku-xigeenka Maamulka Wasaaradda Maaliyadda Puntland, Mudane Eng. Cabdilaahi Ismaaciil Maxamed, ayaa kormeer shaqo ku tagay Dekadda Boosaaso, halkaasi oo uu indho-indheyn ku sameeyey howlaha maalinlaha ah ee soo dejinta iyo dhoofinta badeecadaha, isla markaana kulan la yeeshay masuuliyiinta Kastamka Dekadda, Wasiirku waxa uu kastamka ku wareejiyey gaari cusub oo fududeynaya howlaha shaqo.

Sidoo kale, Wasiirku waxa uu kormeer ku tagay Kastamka Garoonka Diyaaradaha Boosaaso iyo xarunta dhismaha cusub ee Wasaaradda Maaliyadda halkaasi oo shaqadu si joogto ah uga socoto inta dhismaha cusub la dhammeystirinayo.

Wasiirku waxa uu sidoo kale booqday Kastamka Kantaroolka Magaalada Boosaaso, oo ah xarun muhiim ah oo maamusha badeecadaha dekadda ka soo dega iyo kuwa laga dhoofiyo, dekadduna ay u adeegto gobollada Soomaaliya, Itoobiya, iyo dalalka deriska ah.

Ugu dambayntii, Wasiirku waxa uu u mahadceliyey masuuliyiintii xarumaha uu kormeeray, isaga oo xusay in kormeerradani ay qayb ka yihiin dadaallada Wasaaradda ee kor u qaadista hawlaha, kordhinta dakhliga Dowladda, iyo horumarinta adeegyada bulshada. Waxa uu sidoo kale ku boorriyay shaqaalaha inay sii wadaan dadaalka iyo shaqada hufan.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasiirka Wasaaradda Maaliyadda Dowladda Puntland, Mudane Maxamed Faarax Maxamuud, ayaa soo xiray kulanka horumarinta dakhliga oo loo qabtay mas’uuliyiinta gobollada xeebaha Puntland.

Waxaa Wasiirka kulanka ku wehliyey Wasiiru-dowlaha Wasaaradda Maaliyadda, Wasiir-ku-xigeenka Dakhliga iyo Ku-xigeenka Xisaabiyaha Guud ee Dowladda Puntland, kuwaas oo soo bandhigay warbixino iyo talooyin la xiriira sidii loo xoojin lahaa hannaanka ururinta dakhliga iyo hagaajinta nidaamyada maamulka maaliyadeed ee gobollada.

Kulanka ayaa diiradda lagu saaray dib-u-habeynta iyo casriyeynta nidaamka dakhliga, si loo abuuro ilo dhaqaale oo waara, loona xaqiijiyo maalgelinta adeegyada bulshada iyo Hormarinta Adeega Dowladda.

Wasiirka Maaliyadda, Mudane Maxamed Faarax Maxamuud, oo khudbad dheer ka jeediyay xiritaanka kulanka, ayaa uga mahadceliyey mas’uuliyiinta dakhliga ee gobollada shaqada wanaagsan ee ay hayaan, isaga oo ku booriyay inay muujiyaan dadaal dheeraad ah, maadaama dakhligu yahay laf-dhabarta difaaca iyo horumarinta qaranka.

“Dakhliga aynu soo saarno waa tiirka ugu weyn ee lagu dhiso dowladnimada iyo adeegyada bulshada. Waxaan idinka rajaynayaa in aad dadaal iyo daacadnimo dheeraad ah ku bixisaan waajibaadka shaqo ee idin saaran,” ayuu yiri Wasiir Maxamed Faarax Maxamuud.

Intaa kaddib, Wasiirku waxa uu si gaar ah uga hadlay gobolka Raas-Casayr, isaga oo sheegay in madaxda Wasaaraddu ay dhawaan ku tegi doonaan kormeer shaqo oo ballaaran, loona hawlgelayo daboolidda baahiyaha rasmiga ah ee halkaas ka jira.

Ugu dambayn, Wasiirka Maaliyadda Puntland ayaa ku adkeeyay mas’uuliyiintii kulanka ka qeybgalay in ay ka dhabeeyaan awaamiirta dhanka shaqada ee loo igmaday. Wuxuu carrabka ku adkeeyay in la hirgelin doono kormeero joogto ah iyo in si cadaalad ah loo abaalmarin doono shaqaalaha iyo xarumaha ka soo baxa waajibaadkooda shaqo.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Madaxda Wasaaradda Maaliyadda Dowladda Puntland una hoggaaminayo Wasiirka Wasaaradda Mudane Maxamed Faarax Maxamuud ayaa xarunta Wasaaradda ku soo dhoweeyey

xubno ka socday hay’adda Qaramada midoobay u qaabilsa. horumarinta ee UNDP ee Xafiiska New York.

Kulan dhex maray labada dhinac ayaa xubnaha UNDP shirka ka sheegeen in ay doonayaan sidii ay xiriir wadashaqeyn dhow ula yeelan lahaayeen Wasaaradda Maaliyadda Dowladda Puntland.

Madaxda UNDP ayaa xog looga siiyey

qaabka la isku waafajiyo miisaaniyadda iyo qorsheynta maaliyadeed ugana qayb qaadan lahaayeen qorshaha dhow iyo midka fog ee ay samaysay Wasaaradda Maaliyadda Puntland.

Madaxda Wasaaradda Maaliyadda Dowladda Puntland ayaa ku ammaanay xubnahan wadasheynta ay doonayaan iney la yeeshaan Wasaaradda Maaliyadda Dowladda Puntland .

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasiirka Wasaaradda Maaliyadda Puntland, Mudane Maxamed Faarax Maxamuud uuna weheliyo Wasiir ku-xigeenka Dakhliga Wasaaradda Maaliyadda Mudane Axmed Maxamed Bulxan ayaa maanta daah-furay kulanka looga hadlayo kor u qaadista dakhliga xeebaha, kaas oo ka furmay xarunta dhex ee Wasaaradda Maaliyadda.

Shirka waxaa goob-jooga ahaa Agaasime Guud ku-xigeenka Dakhliga, Ku-simaha Xisaabiyaha Guud ee Dowladda, Xisaabiyaha Gobolka Ras-casayr, Ku simaha xisaabiyaha ahna xisaabiye ku xigeenka gobollada Sanaag iyo Haylaan,

Agaasimayaasha waaxyaha  Maamulayaasha dakhliga degmooyinka, Taliyaha Gobolka Raas-casyr, Maamulayaasha canshuuraha gobollada Raay-caysr, Sanaag iyo Nugaal, masuuliyiinta Wasaaradda ee ku sugan xeebaha.

Wasiir ku-xigeenka Dakhliga, Axmed Bulxan, oo khudbad ka jeediyey furitaanka shirka ayaa xusay muhiimada uu leeyahay shirka, isagoo tilmaamay in ujeeddadiisu tahay in la dardargeliyo dakhliga xeebaha Puntland, maadaama ay yihiin laf-dhabarta dhaqaalaha iyo il muhiim u ah kor u qaadista adeegyada bulshada.

Wasiirka Maaliyadda Dowladda Puntland Maxamed Faarax, ayaa carrabka ku adkeeyay in Wasaaradda Maaliyaddu mudnaanta siineyso horumarinta dakhliga xeebaha, gaar ahaan canshuuraha iyo adeegyada dhaqaalaha ka soo gala xeebaha Puntland, kuwaas oo door weyn ku leh horumarinta dakhliga.

Shirkan ayaa socon doona muddo laba maalmood ah, waxaana la filayaa in ay ka soo bixi doonaan qodobbo iyo talooyin wax-ku-ool ah oo dhiirrigelinaya horumarinta dakhliga xeebaha, isla markaana ka qayb qaata kobcinta dhaqaalaha.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

BIRTA-DHEER – KALABAYR Wasiirka Wasaaradda Maaliyadda Dowladda Puntland Mudane Maxamed Faarax Maxamuud iyo Wefti uu hoggaaminaayo ayaa kormeer ku tagay dhismaha laamiga isku xira Birta-dheer ilaa Kalabayr, oo dhererkiisu yahay 20 km. Inta badan shaqada jidkan muhiimka ah ayaa la soo gabagabeeyey, iyadoo 18.5 km oo laami ah si rasmi ah loo dhammaystiray.

Kormeerka waxaa sidoo kale qeyb ka ahaa Wasiirka Wasaaradda Howlaha Guud, qaar kamid ah golaha Baarlamaanka, Guddoomiyaha iyo Gudoomiye kuxigeenka Hay’adda wadooyinka Puntland ee ( PHA )  Ganacsade Jaamac Dhagadheere iyo masuuliyiin kale oo katirsan Dowladda.

Mas’uuliyiinta Dowladda Puntland waxaa halkaasi  ku soo dhoweeyey maamulaha shirkadda Kebarco, faysal Xasan Yacquub oo fulinaysay dhismaha laamigan.

Mashruucan dhismaha laamiga Birdheer – Kalabayr ayaa lagu hirgelinayaa canshuurta shacabka Puntland, taas oo muujinaysa sida dowladda Puntland iyo bulshada ay si wadajir ah ugu heelan yihiin horumarinta kaabayaasha dhaqaalaha iyo isku xirka magaalooyinka dalka.

Wasiirrada Maaliyadda iyo masuuliyiintii kale ee socdaalka ku wehelinayey ayaa bogaadiyey tayada shaqada, iyagoo ku dhiirrigeliyey shirkadda iyo bulshada inay sii wadaan dadaallada dhismaha waddooyinka kale ee muhiimka ah.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Waxaa magaalada Garowe ka dhacay kulan muhiim ah oo ay isugu yimaadeen masuuliyiin ka kala socday Wasaaradda Maaliyadda, Wasaaradda Arrimaha Gudaha, iyo Wasaaradda Ganacsiga ee Puntland.

Mas’uuliyiinta Kulankan ka qaybgalay waxaa ka mid ahaa Wasiirka Wasaaradda Maaliyadda, Wasiirka Wasaaradda Arrimaha Gudaha, Wasiirka Wasaaradda Ganacsiga iyo Agaasimayaasha Guud ee Sadexdan Wasaaradood.

Kulanka ayaa diiradda lagu saaray kala qeexidda iyo kala saarista canshuuraha ay qaadaan dowladaha hoose iyo kuwa dowladda dhexe, si looga fogaado is-buurasho, isla markaana loo helo nidaam canshuureed oo hufan oo cadaalad ah.

Ujeeddada kulanka ayaa ahayd in la xalliyo caqabadaha ka dhasha is dhex galka canshuuraha, iyadoo la caddeynayo cidda ay gaar u tahay qaadista noocyada kala duwan ee canshuuraha ganacsiga, adeegyada, iyo hantida.

Waxaa sidoo kale la isla gartay in la dhiso guddi farsamo oo ka soo shaqeeya habraac cad oo ay ku qeexan yihiin waajibaadka canshuureed ee dowladda dhexe iyo dawladaha hoose.

Ugu dambayn, kulanka ayaa loo arkaa mid muhiim u ah kobcinta dhaqaalaha Puntland iyo hagaajinta kalsoonida shacabka ee nidaamka canshuur ururinta, Waxaana lagu ballamay in kulamo dheeraad ah la yeesho si loo dhamaystiro qorshaha kala saarista canshuuraha.

 Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasiir Kuxigeenka Wasaaraddda Maaliyadda Dowladda Puntland Mudane Eng Cabdullaahi Ismaacil Maxamed oo uu weheliyo Agaasimaha guud ee Wasaaradda Maaliyadda Mudane Axmed Jaamac Jowle ayaa ka qayb galay kulan ay soo qaban qaabiyeen Madaxda Bankiga Dowladda Puntland.

Kulankan waxaa ka soo qayb galay Gudoomiyaha Bankiga dowladda Puntland, Guddoomiye ku-xigeenka Bankiga, Agaasimaha Guud ee Bankiga, Agaasime ku xigeenka Bankiga iyo Madax ka socotay Hay’adaha Maaliydeed ee ka hawl gala Puntland.

Kulanka ayaa ujeedkiisu ahaa sidii bulshadu u isticmaali lahaayeen lacagta 50 Dollar oo mudooyinkii udambeeyeyna aan ka shaqaynayn deeganada Puntland.

intii uu socaday kulanka ayaa la isku dhaafsaday sababaha keenay in ay ganacsatadu joojiyaan isticmaalka $50

Dollar iyo sida loo socd siinkaro.

Adeeg siga $50 Dollar ayaa ugu dambaysay  2021, ayana bulshadu ku diideen isticmaalkeeda ka dib markii suuqyada Puntland ay soo galeen lacago been abuur ah $50-ka Dollar na uu ka mid yahay.

Ugu dambayn Bangiga Dowladda Puntland iyo Wasaaradda Maaliyadda ayaa go’aan rasmi ah ku soo saaray isticmaalka lacagta $50, Hay’adaha Maaliyada ee gaarka loo leeyahayna kula dardaarmay Xoojinta iyo fulinta awaamiirta Dowladda Puntland

Masuuliyiintii ka socotay Hay’adaha Maaliyadda ee kulanka kasoo qayb galay ayaa soo dhaweeyay dhaqangelinta go’aanka dowladda ee socodsiinta lacagtaas.

Waxaa xusid mudan in Madaxda Wasaaradda Maaliyaddu ay horay Madaxda Bankiga Dowladda Puntland uga dalbatay in ay kal shaqeeyaan socod siinta lacagta $50 Dollar oo inta badan ay adeegsanayaan Dadka ka soo dega Garoomada Puntland si ay cashuur ahaan ugu bixiyaan iyo sidii bulshada kalena u socod siin lahayd ugu dambayn lagu guuleysaty.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE  –  Wasaaraddaha Maaliyadda iyo Qorshayanta ayaa yeshay kulan ay ka hadleen Cashuuraha ku waajibey Shaqaalaha Hay’adaha UN, NGO, kuwa Maxaliga iyo mashaariicda dalka laga fulinaayo.

Waxaa ka qaybgalay kulanka Agaasimaha guud ee Wasaaradda Maaliyadda, Agaasimaha guud ee Wasaaradda Qorsheynta, ku xigeenka Agaasimaha guud ee dowladda,Agaasime guud ku-xigeenka Dakhliga Wasaaradda Maaliyadda, Agaasimaha waaxda deeqaha Dibadda, Agsimaha waaxda Cashuuraha Beriga iyo Mas’uulyiin kale oo katirsan labada Wasaaradood.

Kulanka ayaa siwayn looga hadlay hubinta mashaariicda dalka ka socda in ay mareen u hogaansanka Cashuur bixinta dowladda Puntland iyo Shaqaalaha ka halwaga Hay’adaha in ay bixiyeen cashuurtii ku waajibtay.

Agasimaha guud ee Wasaaradda Maaliyadda Dowladda Puntland Mudane Axmed Jaamac Jowle ayaa Hay’adaha iyo shirkadaha gaarka loo leeyahay faray in ay bixiyaan Cashuuraha ku waajibey Shaqalaha ushaqayeeya.

Ugu dambayn kulankan ayaa laysku afgartay xoojinta wada shaqaynta labada Wasaaradood iyo dardargalinta dakhliga dowladda Puntland.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland