Tababar kor loogu qaadayo Aqoonta Shaqaalaha Maaliyadda Puntland oo lagu qabtay Boosaaso(Sawirro)
BOOSAASO – Shaqaalaha Wasaaradda Maaliyadda Dowladda Puntland ayaa Tababar loogu qabtay xarunta Jaamacada Bariga Afrika ee magaalada Boosaaso.
Tababarkan oo ku saabsan habka Maareynta Xogta Maaliyadda oo loo yaqaan Financial Management Information System (FMIS) nidaamkan oo ah barnaamuj Computerized ah kaasoo ka qayb qaadanaya Maamulida Maaliyadda dalka.
Tababarkan ayaa,waxaa bixinayey Tababarayaal aqoon sare u leh casharada lagu baranayo ayaa waxaa ka qeybqaatay shaqaalaha Wasaaradda qeybaheeda kala duwan sida qeybta Xisaabaatka,Miisaaniyada,Maamulka,dakhliga iyo Bangiga.
Agaasimaha Waaxda Qorsheynta Iyo Tababarada Wasaaradda Maaliyadda Puntland Cabdiqaadir Cali Ismaaciil oo daah-furay Tababarka ayaa ka hadlay muhiimada Tababarka.
Mudane Cabdiqaadir Cali Ismaaciil ayaa ku booriyey shaqaalaha fursada u helay Tababarkan in ay ka faa’ideystaan.
……Ujeedada Tababarku waxa weeye waa sare u qaadida aqoonta iyo xirfada shaqaalaha Wasaaradda Maaliyadda qeybaheeda kala duwan sida qeybta Xisaabaatka,Miisaaniyada,Maamulka,dakhliga iyo Bangiga “”ayuu yiri
Agaasimah Waaxda Maamulka ee Wasaaradda Maaliyadda Puntland Maxamuud Saalax Axmed(Caato) ayaa dhankiisa sheegay in Tababarkan mid lamid ah horay loogu soo qabtay qaar kamid ah shaqaalaha Wasaaradda ee gobolada Puntland.
…….Waxaan Tababarkii ugu horreeyey ku qabanay magaalada Garoowe,oo aan ugu qabanay afar gobol,Sool ,Nugaal,Mudug iyo Karkaar runtii si fiican baa looga faa’ideystay oo aad iyo aad u wanaagsan,Tababarkana waa qeybtii 2aad aan ku qabaneyno ””’ayuu yiri
Maxamuud Saalax Axmed(Caato) ayaa xusay in Tababarkan ka qeybqaadanayaan shaqaalaha Wasaaradda Maaliyadda Puntland ee gobolada Bari,Gardafuu iyo Sanaag.
Si kastaba hadafka laga yeelayahay Hirgelinta barnaamujkan wuxuu yahay in ]dib u habeyn lagu sameeyo hab-maamulka Hantida guud (Public Finance) si loo gaaro Hufnaan iyo Isla xisaabtan, taasoo looga gol leeyahay sare u qaadida shaqada Hay’adaha Dowladda.
Wasaaradda Maaliyadda
Dowladda Puntland
mofpuntland@gmail.com
Bosaso/Office