Wasaaradda Maaliyada Puntland oo Martigalisay Shirka Gollayaasha Federaalka iyo Puntland[Sawirro]

August 2, 2018 / mof / 0 Comments

Wasaaradda Maaliyada Puntland oo Martigalisay Shirka Gollayaasha Federaalka iyo Puntland[Sawirro]

Wasaaradda Maaliyadda dowladda Puntland ayaa toddobaadkan waxay martigalisay shirka wadajirka ah ee gollayaasha dowladda federaalka iyo Puntland oo ka qabsoomay maanta oo khamiis ah hoolka Wasaaradda ee Garoowe.

Shirkan waxaa ka qaybgalay Ra’isul Wasaaraha Federaalka Xasan Cali Khayre, Madaxweynaha Puntland C/weli Maxamed Cali Gaas, Madaxweyne Ku-xigeenka Puntland C/xakiim Cabdulaahi Xaaji Cumar Camey, Wasiirka maaliyadda Puntland Cabdullaahi Siciid Caarshe iyo xubno ka kala socday gollaha wasiiradda Federaalka iyo Puntland.

Agaasimaha Guud ee Wasaaradda Maaliyadda C/risaaq Maxamed Xasan oo ka hadlay doorka wasaaradda ee shirka, wuxuu sheegay in doorkoodu ku koobnaa oo kaliya martigalinta shirka, adeegyada iyo fududaynta tasiilaadka shirka.

….” Shirkaasi waxaa shir guddoominayay, Ra’isul Wasaaraha Federaalka Xasan Cali khayre iyo madaxweynaha Puntland C/weli maxamed Cali gaas, waxaana looga wada hadlay xiriirka iyo iskaashiga ka dhaxeeya dowladda federaalka iyo Puntland” ayuu yiri Agaasimaha Guud ee wasaaradda

Gabagabadii, Waa markii u horraysya ee Puntland si rasmi u marti galiso shirka gollaha wasiiradda federaalka iyo shirka wadajirka ah ee golayaasha Federaalka iyo Puntland.