Wasiir kuxigeenka Maaliyadda Iyo Wafdi la socda oo u dhoofay Kenya(Sawirro)
Wefdigan ayaa waxaa hogaaminaya Wasiir ku xigeenka Wasaaradda Maaliyada Puntland Axmed Yaasiin Saalax iyo Wasiirka Arimaha Gudaha Puntland Mudane Axmed Cilmi Cismaan Karaash.
Sidoo kale xubnaha Wefdiga Wasiiradda Dowlada waxa la socda qaar kamid ah gudoomiyayaasha Degmooyinka Puntland gaar ahaa degmooyinka ay ka socdaan barnaamihka JPLG.
Muhiimadda ugu weyn ee xubnaha masuuliyiinta dowlada maanta ugu dhoofeen Dalkaasi Kenya waxaa lagu sheegay in ay tahay sidii ay madaxda beesha caalamka ugala soo hadli laahaayeen barnaamijka JPLG.
Shirkan ayaa waxaa socon doona mudo todobo cish ah iyadoo diirada lagu saari doono waxyaabihii ka soo qabsoomay barnamaijka horumarinta degmooyinka iyo caqabadaha ku yimid barnaamijka mudadii uu shaqeynayay.
Wasiirka Arimaha gudaha Puntland Axmed Cilmi Cismaan Karaash oo inta uusan ka dhoofin garoonka la hadlay warbaahinta wuxu sheegay inuu muhiim gaar ah xukuumada u leeyahay shirkan.,
Sidoo kale Wasiir ku xigeenka Wasaaradda Maaliyadda Puntland Axmed Yaasin Saalax ayaa dhankiisa sheegay in talaabadan ay noqoneyso mid la doonayo sidii loo xakameyn lahaa howshan loona dar dar gelin horumarinta degmoyinka Puntland.
Maxamuud Cabdisalaan
Xafiiska Warbaahinta Wasaaradda
Garoowe