Wasiirka Maaliyadda Puntland oo Fariin Iskutashi ah u diray Shacabka dal iyo dibadba[Daawo+Sawirro]
BOOSAASO – Wasiirka Maaliyadda Dowladda Puntland Dr Cabdullaahi Shiikh Axmed ayaa sheegay iney shacabka reer Puntland dal iyo dibadba awoodaan iney Isku tashigooda uga qeybqaataan horumarka Puntland.
Mudane Dr Cabdullaahi Shiikh Axmed oo hadal ka jeediyey qalabkii dhismaha wadada ceeldaahir -ceerigaabo ayaa sheegay in qalabka lagu gaday Iskutashiga shacabka ee ay horay ugu dhawaaqay Madaxweynaha Puntland Cabdiweli Gaas.
“” Qalabkan waa Puntland dhaqaalaheedii weeye ,shacab iyo dowladba .wadada anaga dhisaneyna ,waxaana laga doonayaa bulshadu iney ka qeybqaadato dhismaha wadada””ayuu yiri
Waxa uu sheegay in uu ugu baaqayo shacabka Puntland dal iyo dibadba iney gacanta furaan isla mar ahaantaana ay ka dowlad ahaan diyaar u yihiin ka qeybqaadashada horumarka Puntland.
Wasiirka Maaliyadda Dowladda Puntland ayaa rajo wanaagsan ka muujiyey iney sidii loogu talagalay haddii Eebo idmo ku dhamaaneyso wadada dhismaheeda .
Hoos ka daawo muuqaalka
Waaxda Warfaafinta
Wasaaradda Maaliyadda
Dowladda Puntland
mofpuntland@gmail.com