IMG_8713

Wasiirka Maiyadda Dowladda Puntland oo la kulmay Guddiga ka tala-bixinta Dakhliga iyo Kharashaadka Dowladda Puntland[Sawirro]

GAROOWE – Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa ka qaybgalay kulan uu la yeshay guddigii loo xilsaaray ka tala bixinta dakhliga iyo kharashaadka Dowladda Puntland.

Kulankan oo lagu qabtay xarunta dhexe ee Wasaaradda Maaliyadda intii uu socday ayaa guddiyadii Dakhliga iyo Kharashka ka soo tala bixintooona Wasiirka la wadaageen xogo dheeri ah ah oo ku aadan shaqooyinka loo diray.

Ugu dambeyntii Wasiirka Wasaaradda Maaliyadda ayaa bogaadiyay shaqooyinka ay soo qabteen gudiyadu waxaana loo balamay kulamo kale oo lagu falanqayn.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

Read More
IMG_8700

Madaxeynaha Dowladda Puntland oo Kulan la qaatay madaxda Wasaaradda Maaliyadda Puntland[Sawirro]

GAROOWE – Madaxweynaha Dowladda Puntland, Mudane Siciid Cabdullaahi Deni, oo uu weheliyo Madaxweyne Ku-xigeenka Dowladda Puntland, Mudane Ilyaas Cismaan Lugatoor, ayaa maanta Madaxtooyada kulan kula qaatay masuuliyiinta Wasaaradda Maaliyadda Dowladda Puntland.

Ujeedka kulanka ayaa ahaa Miisaaniyadda 2027, iyo sidii looga gaashaaman lahaa saameynta Colaada Bariga dhexe ay ku yeellan karto, guud ahaan dhaqaalaha Puntland gaar ahaan Miisaaniyadda Dowladda ee 2027.

Kulanka ayaa diiradda lagu saaray sare u qaadidda ilaha dakhliga Dowladda Puntland iyo hufnaanta Maamulka Maaliyadda, waxaana Shirka lagu go’aamiyay laba Guddi farsamo oo kala shaqeynaya Wasaaradda Maaliyadda arrimaha Dakhliga iyo Kharashaadka.

Read More
IMG_8658

Wasiirka Maaliyadda Dowladda Puntland oo Shir Guddoomiyay Kulanka Diyaarinta Miisaaniyadda Puntland ee sanadka 20206[Sawirro]

GAROOWE – Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa ka qayb galay kulan lagu qabtay xarunta dhexe loogana hadlay diyaarinta Miisaaniyadda Dowladda Puntland ee sanadka 2027.

Kulanka waxaa goob joog ka ahaa Wasiirku Xigeenka dakhliga, Wasiirudowlaha Wasaaradda, Agaasimaha Guud ee Wasaaradda Maaliyadda, Xisaabiyaha Guud ee Dowladda, Ku xigeenka Xisaabiyaha Guud, Agaasimaha waaxda Miisaaniyadda, Agaasimaha waaxda Furdooyinka,Agaasimaha waaxda cashuuraha berriga iyo saraakiil kale oo ka tirsan Wasaaradda.

Kulankan ayaa siwayn looga dooday isbarbardhig lagu sameeyay miisaaniyadda sanadka 2026 iyo qorshayaashaha miisaaniyadeed ee sanadka soo socda 2027.

Diyaarinta iyo dhammeystirka Miisaaniyadda Dowladda Puntland ee 2027 ayaa qayb ka si loo waafajiyo qorshayaasha dakhliga ee dowladda.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

Read More
IMG_8578

Wasaaradda Maaliyadda Dowladda Puntland oo soo qaban qaabisay Kulan ku aadan La-tashinga Diyaarinta Miisaaniyadda 2027[Sawirro]

GAROOWE – Wasaaradda Maaliyadda Dowladda Puntland ayaa soo qaban qaabisay Kulan ku aadan La-tashiga Diyaarinta Miisaniyadda 2027 iyo qiimeynta lagu sameeyay Miisaniyadda 2026 ayna ka soo qayb galeen Wasaaradaha iyo Hay’adaha kale ee dowladda.

Miisaniyadda 2027 ayaa noqon doonta ISKUTASHI, xoogana la saari doono ku tiirsanaanta dakhkiga gudaha, gaar ahaan Canshuraha Berriga guud ahaan Gobolada.

Wasaarada Maaliyada ayaa xooga saaraysa sidii dowladda Puntland isugu filaan lahayd dhinacyada dhaqaalaha, daboolida adeegyada dowladda, Horumarinta, Daryeelka Ciidanka iyo Adkaynta Amniga guud ahaan dalka.

Agaasimaha guud ee Wasaarada Maaliyada Dowladda Puntland Mudane Axmed Jaamac Jowle oo ka hadlay Furitaankii kulankan ayaa sheegay in Wasaaradu culayska saari doonto dhaqangelinta madaxyada cashuuraha sharciga ah ee aan hore loo qaadi jirin sida Cashuuraha Iibka (GST), Khidmaha Dakhliga Kaluumaysiga iyo khayradka badda, iyo kor u qaadista Madaxyada dakhli ee hooseeya.

Madaxda Wasaaradda Maaliyadda ayaa umahadceliyey guud ahaan mas’uuliyiintii ka qaybgashay kana socday Madaxtooyadda Dowladda Puntland, Wasaradaha Dowladda iyo hay’adaha kale.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland.

Read More
IMG_8528

Wasiirka Maaliyadda Dowladda Puntland oo Kormeer shaqo ku tagay Xafiiska Xisaabaadka Guud ee Dowladda Puntland[Sawirro]

GAROOWE – Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa booqasho kormeer iyo u kuurgelid ah ku tagay Xafiiska Xisaabiyaha Guud ee Dowladda Puntland.

 

Wasiirka ayaa kulan la qaatay Xisaabiyaha Guud, ku-xigeenkiisa iyo shaqaalaha Xafiiska, isagoo ka dhageystay warbixin guud oo ku saabsan hawlaha shaqo ee Xafiiska, qorshayaasha socda iyo horumarinta nidaamyada Xisaabaadka.

 

Sidoo kale, Wasiirku wuxuu xog ka helay waaxyaha kala duwan ee Xafiiska iyo doorka ay ku leeyihiin xoojinta hufnaanta, isla-xisaabtanka iyo maamulka maaliyadda Dowladda Puntland.

 

Ugu dambayn, Wasiir Maxamed Faarax Maxamuud ayaa bogaadiyey shaqada iyo dadaalka ay wadaan mas’uuliyiinta iyo shaqaalaha Xafiiska Xisaabaadka Guud, isagoo ku dhiirrigeliyey inay sii wadaan dadaalka, dardargeliyaan hawlaha muhiimka ah, isla markaana xoojiyaan wada shaqaynta hay’adaha Dowladda.

Baahintii

Xafiiskii Wacyigelinta iyo Warfaafinta Wasaaradda Maaliyadda Dawladda Puntland

Read More
IMG_8512

Agaasimaha Guud ee Wasaaradda Maaliyadda Puntland oo Ka qaybgalay Kulan looga hadlay Wacyi-gelinta Bulshadda Cashuurta Iibka ee GST[Sawiro]

GAROOWE- Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa ka qaybgalay

kulan ku aadan sidii bulshada Puntland loogu wacy-igelin lahaa hirgelinta Canshuurta iibka ee GST.

Kulankan waxaa goob-joog ka ahaa Agaasime Guud ee Ku-xigeenka Dakhliga, Agaasimaha waaxda Canshuuraha Bariga, Agaasimaha Waaxda Miisaaniyadda, Agaasimaha Waaxda Furdooyinka, Agaasimayaal ku xigeeno  iyo madaxda qaybaha kala duwan ee Wasaaradda Maaliyadda.

Ujeedka kulanka ayaa ahaa sidii loo dardargelin lahaa hawlaha la xiriira hirgelinta Canshuurta GST, diyaarinta fariimaha wacyi-gelinta iyo sidii bulshada loogu gudbin lahaa macluumaad ku saabsan muhiimadda iyo habraacyada canshuurtan maadaama Dowladda Puntland dhowaan hirgelin doonton.

Intii uu kulanku socday, Agaasimaha Guud waxaa lala wadaagay warbixinno ku saabsan hawlihii la qabtay, gaar ahaan Boorar ay ku qoran yihiin halku dhigyo cashuurtan la xiir iyo Fariimo isugu jira maqal iyo muuqaal si bulshadu faham xoogan oga hesho cashuurta GST iyo qorshayaasha dhammaystirka hawlaha harsan.

Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa mas’uuliyiinta iyo shaqaalaha ka qaybgalay kulanka kula dardaarmay dardargelinta shaqooyinka harsan, xoojinta wacyi-gelinta bulshada iyo hirgelinta Canshuurta GST si loo xoojiyo dakhliga Dowladda Puntland.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

Read More
IMG_8489

Wasiirka Maaliyadda Dowladda Puntland oo ka qaybgalay Dhagax-dhiga mashruuca Biyo-saarka Gaalkacyo[Sawirro]

GAALKACYO – Wasiirka Wasaaradda Maaliyadda ee Dawladda Puntland Maxamed Faarax Maxamuud ayaa maanta ka qaybgalay dhagaxdhigay mashruuca biyo‑saarka magaalada Galkacyo.

Dhagaxdhigga mashruucan waxaa ka qayb galay wasiirro, xildhibaano, maamulka gobolka Mudug, maamulka degmada Gaalkacyo, Guddiga Horumarinta Gaalkacyo iyo shirkadda TTN.

Mashruucan ayaa ah mid ay baahiweyn uqabeen bulshada magaalada Galkacyo ayaa waxa sidoo kale isla maanta si rasmi ah loo kala saxiixday heshiiska mashruuca biyo saarka Gaalkacyo,

Wasiirka Wasaaradda Maaliyadda ee Dawladda Puntland Maxamed Faarax ayaa dawlada dhexe ee Puntland usaxiixay heshiiskan oo ay darafyo kayahiin maamulka degmada Gaalkacyo, Guddiga Horumarinta Degmada iyo shirkadda fulinaysa mashruuca .

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

Read More