Wasiir Kuxigeenka Maaliyadda Puntland oo xarunta Wasaaradda kusoo Dhaweeyay Xildhibaan Ubax Cabdullaahi[Sawirro]
GAROOWE- Wasiir Kuxigeenka Maaliyadda Puntland iyo Wasiiru Dowlaha Wasaaradda Maaliyadda ayaa xarunta Wasaaradda ku qaabilay Ubax Cabdullaahi Aadan ahna Guddoomiye wax barashada kana tirsan golaha deeganka Oslo ee dalka Norway.
Kulankan Wasiiradu Xildhibaanada la yeesheen, waxaa ku weheliyey Agaasime Guud ku-xigeenka Maamulka Wasaaradda Maaliyadda iyo Xisaabiye kuxigeenka Dowladda Puntland.
Ubax imaan-shaheeda dalka ayaa qayb ka ah sidii dhanka Waxbarashadda looga caawin lahaa Carruurta SSC Khaatumo iyo Puntland xog badana Waxbarshadooda looga heli lahaa.
Kulan ka dhacay xarunta Wasaaradda Maaliyadda Puntland ayaa madaxda Wasaaraddu xog dheeri ah Ubax ka siiyeen in Wasaaradda Maaliyaddu kharash xoogan ku bixisao Waxbarashadda Puntland.
Sidoo kale kulankan ayaa looga wadahadlay hannaanka dimuqraadiyeynta ee ka hanaqaaday Puntland ee ay wado Xukuumadda uu hoggaaminayo Madaxwaynaha Dowladda Puntland Mudane Siciid Cabdullaahi Deni.
Baahintii
Xafiiska Wacyi-gelinta Iyo Warfaafinta Wasaaradda Maaliyadda Dowladda Puntland
