GAROOWE – Agaasimaha guud ee Wasaaradda Maaliyadda Dowladda Puntland Mudane Axmed Jaamac Jowle ayaa shir gudoomiyey kulan looga hadlaayey horumarinta dakhliga.

Kulankan waxaa ka soo qayb galay Agaasime Ku-xigeenka guud dakhkiga, Agasimayasha waaxyaha dakhliga, Xisabiyayaasha gobolada Sool iyo Nugaal, saraakiisha iyo madax qaybeedyada dakhkiga, Hoggaanka turbotariyada iyo taliyaha qaybta turbotariyada gobolka Nugaal.

Intii uu socday kulankan ayaa looga hadlay Qorshaha Dakhliga ee Wasaradda Maaliyadda sanada 2025 ee bilaha Jan , February iyo March wixii ka qabsoomay iyo hadii ay jiraan kutalagalkaas dakhli ee u qorshaysnaa Wasaradda kuwo la gaari waayay, sidii loo xaqiijin lahaa in la gaaro qorshaha la dajiyay 2025 iyo ku talaabsashada ilo dakhli oo cusub.

Kulankan ayaa ugu dambayn ku soo gabagaboobay is afgarad iyo in la sameeyo dadaalo wax ku ool ah oo ku aadan dhanka wax soo saarka dakhliga , si loo xaqiijiyo himilooyinka horumarineed iyo difaaca dhulkeena oo u baahan in dhammaan bulshada Puntland isku meel looga soo wada jeesto.

“Muwaadin bixi canshuurta si loo gaaro Himilooyinka horumarineed ee u dagsan Dowladda iyo Shacabka Puntland”

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasaaraddaha Maaliyadda iyo Qorshaynta ayaa yeeshay Kulan ay kaga hadleen Cashuuraha ku waajibey Shaqalaha ka hawl gala UN, NGO, kuwa Maxaliga iyo mashaariicda dalka laga fulinaayo.

Kulankan waxaa ka qaybgalay Agaasimaha guud ee Wasaaradda Maaliyadda, Agaasimaha guud ee Wasaaradda Qorshaynta, Agaasime guud ku-xigeenka Dakhliga Wasaaradda Maaliyadda, Xisaabiyaha Wasaaradda Maaliyadda ee Gobolka Nugaal, Agaasimaha waaxda deeqaha Dibadda, Agsaaimaha waaxda Xiriirka Hay’addaha ee Wasaaradda qorshaynta, Agaasime Ku-Xigeenka Waaxda deeqaha Dibadda Wasaaradda Maaliyadda iyo Mas’uulyiin kale oo ka tirsan labadda Wasaaradood.

Kulankan ayaa siwayn looga hadlay System-ka Cashuur bixinta dowladda Puntland iyo Shaqaalaha ka hawl gala Hay’adaha in ay bixiyaan cashuurtii ku waajibtay, iyaga oo maraya system dowladda ee PFMIS.

Agasimaha guud ee Wasaaradda Maaliyadda Dowladda Puntland Mudane Axmed Jaamac Jowle ayaa Hay’adaha iyo shirkadaha gaarka loo leeyahay faray in ay bixiyaan Cashuuraha ku waajibey Shaqaalaha ushaqayeeya, waxana sidoo kale uu kula dardaarmay shaqaalaha labadda Wasaaradood in la dardargelyo Dakhliga dowladda Puntland.

Xafiiska ICT-ga Wasaaradda Maaliyadda ayaa halkaasi ku soo bandhigay tababar kooban oo ku aadan system ka cashuur bixiyaha Payroll tax iyo Registration Certificate oo loogu tala galay in loogu shaqeeyo bixinta Cashuuraha, si loo helo hufnaan.

Ugu dambayn kulankan ayaa la isku afgartay xoojinta wada shaqaynta labada Wasaaradood iyo dardargalinta dakhliga dowladda Puntland.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

BOOSAASO – Agaasimaha guud ee Wasaaradda Maaliyadda Dowladda Puntland Mudane Axmed Jaamac Jowle oo howlo shaqo u jooga magaalada  bosaso ayaa kormeer shaqo ku tegey goobaha dakhli soo saarka ee Wasaaradda Maaliyadda.

Agaasimaha ayaa kulan la qaatay Mas’uulyiinta goobaha uu booqday oo ay ka mid yihiin kastamka Wasaaradda Maaliyadda ee garoonka diyaaradaha, Bangiga Dowladda laanta Boosaaso iyo Xarunta Ciidamada ilaalada canshuurah.

Maamulaha kastamka Garoonka iyo Taliyaha laanta ilaalada cashuuraha ayaa Agasimaha Guud uga warbixiyey hannanka shaqo ee socda iyo sida ay usoo xereeyaan Dakhliga, ayna ku hawlan yihiin dadaal dheeri ah iyo ushaqaynta bulshada cashuur bixiyaha ah.

Ugu dambayn Axmed Jaamac Jowle Agasimaha guud ee Wasaaradda Maaliyadda ayaa boqday Bangiga Dowladda Puntland laanta Boosaaso

oo loo dhisay haab casri ah waxana uu la kulamay Mas’uulyiinta Bangiga waxana ay ka wada hadleen hawlaha shaqo ee ka dhexeya bankiga iyo Wasaaradda Maaliyadda.

Baahintii

Xaafiska Wacyi-galinta iyo Warfaafinta Wasaaradda Maaliyadda

Dowladda Puntland

BOOSAASO – Agaasimaha guud ee Wasaaradda Maaliyadda Dowladda Puntland Mudane Axmed Jaamac Jowle uuna weheliyo Agaasime guud ku-xigeenka Dakhliga ayaa kormeer shaqo ku tagay Kastamka Dekada iyo xarunta cashuuraha berriga ee Wasaaradda Maaliyadda.

Agasimaha ayaa booqaday Xafiisyada Wasaaradda ee ay ku sugan yihiin madaxda iyo shaqaalaha Wasaaradda xili ay ku guda jireen shaqo maalmeedkoodii.

Madaxda goobaha shaqada ee Wasaaradda Maaliyadda ee ay ka mid yihiin Maamulaha Cashuuraha beriga Yuusuf Maxamed Yuusuf iyo Maamulaha Kastamka dekedda Maxamed Yuusuf maxamuud ayaa Agasimaha Guud la wadaagay  qorshayaasha hirgay ee horay loogu soo badhigay kulanka horumarinta shaqada Wasaaradda iyo heerka dakhliga maalin laha ah ee ay xereeyaan shaqaalaha Wasaaradda Maaliyaddu.

Ugu dambayn Axmed Jaamac Jowle Agaasimaha guud ee Wasaaradda Maaliyadda oo la hadlay madaxda iyo shaqaalaha ayaa sheegay in laga sugaayo dakhligii dalka lagu Difaaci lahaa laguna hormarin lahaa loona baahan yahay dadaal dheeri ah oo ku aadan dardargalinta dakhliga.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

BOOSAASO – Madaxda Labada Wasaaradood ee Maaliyadda iyo Kalluumaysiga oo kulan ku yeeshay magaalada Boosaaso ee xarunta gobolka Bari.

Kulanka waxaa ka qayb-gallay Wasiirka Wasaaradda Maaliyadda, Wasiirka Wasaaradda Kaluumaysiga, Wasiirudowlaha Wasaaradda Maaliyadda,Wasiir ku-xigeenka Wasaradda Kaluumaysiga, Agaasimaha guud ee Wasaaradda Maaliyadda, Agaasime guud ku-xigeenka Dakhliga Wasaaradda Maaliyadda iyo Mas’uuliyiin kale oo ka tirsan labada Wasaaradood.

Iintii uu socday kulankan ayaa looga wada-hadlay sidii loo xoojin lahaa wada shaqaynta labada Wasaaradood iyo sidii loo diyaarin lahaa Qorshayaasha horumarinta Dalkhliga Kaluumaysiga sanadan 2025 ee Xeebaha Puntland.

Ugu dambayn kulankan ayaa laysku afgartay dhammaan wax yaabihii looga wada hadlay ee dardargalinta dakhliga Kaluumaysiga waxaana loo balamay in ay hawshan dhamaystirkeeda siiwadi doonaan gudi ka tirsan labada Wasaaradood.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

BOOSAASO – Wasiirka Wasaaradda Maaliyadda Dowladda Puntland Mudane Maxamed Faarax Maxamuud oo hawlo shaqo u jooga Magaalada Boosaaso ayaa kormeer shaqo ku tagay Dekeda.

Kormeerkan Wasiirka waxaa ku weheliyey

Aggaasimah guud ee Bangiga Dowladda Puntland, maamulaha Customka Dekedda Boosaaso, Taliyaha Dekedda iyo Mas’uulyiin kale oo ka tirsan Wasaaradda Maaliyadda.

Maxamed Yuusuf maxamuud Maamulaha Customka Dekedda Boosaaso ee Wasaarada Maaliyada ayaa Wasiirka la wadaagay xogta shaqooyiinka socda, Heerka dakhliga dalk iyo Badeecaddaha ka soo dega kana dhoofa Dekeda.

Wasiirka Wasaaradda Maaliyadda Mudane Maxamed Faarax Maxamuud oo  ugu dambayna booqday Xafiisyada iyo goobaha kale ee shaqada ayaa bogaadiyey habsami u socodka shaqada iyo habka loogu shaqaynaayo bulshada Cashuur bixiyaasha.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland