Category: Somali News

IMG_3744

Wasiirka Maaliyadda Dowladda Puntland oo Kormeer shaqo ku tagay xarunta Wasaaradda ee magaalada Gaalkacyo[Sawirro]

GAALKACYO – Wasiirka Wasaaradda Maaliyadda Dowladda Puntland Mudane Maxamed Faarax Maxamud ayaa maanta kormeer shaqo ku tagay Xarunta Wasaaradda Maaliyadda ee Gobolka Mudug ee Gaalkacyo.

Wasiirka ayaa waxa halkaasi ku soo dhoweeyey Xisaabayaha Wasaaradda Maaliyadda gobolka mudug Ismaciil C/nuur Geesey , Maamulayasha, Madax qeybeedayada iyo Shaqaalaha Wasaaradda.

Wasiirka ayaa kormeeray qeybaha Wasaaradda Maaliyadda oo ay ka mid tahay dhisme cusub oo casri ah oo lagu kordhinaayo Xaafisyadda Wasaaradda Maaliyadda ee Gaalkacyo ,

Wasiirka ayaa warbixinno ka dhagaystay Xisaabiyaha iyo Injineeradda shaqada dhismaha kawada xarunta, waxana uu kormeeray qeybta Cashuuraha kastamadda Wasaaradda ee Gobolka Mudug halkaas oo Wasaaraddu ka wado dhismayaal cusub.

Ugu dambayn Maxamed Faarax Maxamuud  Wasiirka Wasaaradda Maaliyadda ayaa bogaadiyey shaqooyinka socda ee dib u casriyanta xarumaha shaqada iyo soo saarista dakhliga.

Baahintii

Xaafiska Warfaafinta iyo Waciyigalinta ee Wasaaradda Maaliyadda dawlada Puntland.

Read More
IMG_3619

Agaasimaha Guud ee Maaliyadda Dowladda Puntland oo Shir Guddoomiyay Kulanka Istaraajiyadaha Qorshaha Dakhli-kicinta 2025[Sawirro]

GAROOWE – Agaasimaha guud ee Wasaaradda Dowladda Puntland Mudane Axmed Jaamac Jowle ayaa guddoomiyey shirka Istaraatijiyadaha Qorshaha Dakhli-Kicinta 2025 iyo casriyaynta goobaha shaqada.

Ujeeddada iyo Ajandaha shirkan ee Fulinta Qorshaha ayaa waxaa ka mid ahaa

1- Maadaama Wasaaradda Maaliyaddu ku guuleystay in habkeeda cashuur qaadista furdooyinka laga dhigay online lana sameeyey system ka PUNTCAS, ayaa laysla qaatay in 2025 la hirgelin doono system kii lagu qaadi lahaa canshuuraha berriga si bulshadda loogu fududeeyo adeeg bixinta.

2- Xalinta Caqabadaha iyo ka miro dhalinta fursadaha lagu horumarinkaro dakhliga sanadkan ee qorshaha ku xusan iyada oo lagu  dhaqmaayo siyaasadda iyo xeerarka dakhli kicinta ee Wasaaradda.

3-ka  jawaabida baahiyaha xarumaha dakhliga hadii ay yihiin gaadiid, qalab iyo saxida caqabadaha shaqada

4- waxaa la qorsheeyay in si joogta ah kormeer loo kormeero gobolada dalka si dabagal loogu sameeyo dakhliga iyo la socodkiisa.

Ugu dambayn kulankan ayaa la isla qaatay ajandaha Shirka ku xusnaa iyo samaaynta jadwal lagu fulinaayo qorshaha sanadka 2025.

Axmed Jaamac Jowle Agaasimaha guud ee Wasaaradda Maaliyadda ayaa bogaadiyay Qorshaha dardargalinta dakhliga iyo jadwalka lagu gaarayo qorshahan waxana uu umahad celiyay Madaxda Wasaaradda oo uu hoggaaminaayo Wasiirka Wasaaradda oo had iyo goor garab taagan fulinta shaqooyinkan.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

Read More
IMG_3601

Wasiir Kuxigeenka Dakhliga Wasaaradda Maaliyadda Puntland oo Shir Guddoomiyay Kulanka Horumarinta Dakhliga[Sawirro]

GAROOWE – Wasiirku xigeenka Dakhliga Wasaaradda Maaliyadda Dowladda Puntland Mudane Axmed Maxamed Bulxan ayaa shir gudoomiyey kulanka horumarinta dakhliga.

kulankan oo lagu qabtay Xarunta dhexe waxaa ka soo qaybgalay Agaasime guud ku-xigeenka Dakhliga, Agaasimaha waaxda Furdooyinka, Agsimaha Waaxda Cashuuraha Berriga, Maamulaha kastamka dekedda boosaaso iyo Mas’uulyiin kale oo katirsan Wasaaradda Maaliyadda.

Ujeedka shirkan ayaa ahaa sidii looga wada shaqayn lahaa Horumarinta kastamada Puntland oo ay ka mid yihiin kastamkada dekeddaha Boosaaso, Garacad iyo Dardargalinta cashuuraha berriga.

Agaasimayaasha waaxyaha ee kulankan ka qayb galay ayaa Wasiirka la wadaagay qorshayaal ku aadan horumarinta kastamada Puntland waxayna soo jeediyeen xogo badan oo lagu hormarin karo Dakhiga dalka.

Ugu dambayn Wasiir Bulxan ayaa bogaadiyey qorshayaasha lagu hormarinayo Kastamada iyo cashuuraha beriga si loo helo Dakhligii dalka lagu hormarin lahaa laguna difaaci lahaa.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

Read More
IMG_3592

Wasiir Kuxigeenka Dakhliga Maaliyadda Puntland oo Gaadiid ay soo gaday Wasaaradu ku wareejiyay Xarumihii loogu talagay[Sawirro]

GAROOWE –  Wasiirku xigeenka Dakhliga Wasaaradda Maaliyadda Dowladda Puntland Mudane Axmed Maxamed Bulxan uuna weheliyo Aggasimaha Guud ee Wasaaradda Maaliyadda Mudane Axmed Jaamac Jowle ayaa gaadiid ay soo gaday Wasaaraddu ku wareejiyay xarumahii loogu talagay ee Wasaaradda.

Munaasabadda wareejinta gaadiidkan oo ah afar gaari ayaa ka dhacday Xarunta dhexe ee Wasaaradda waxaana ka soo qayb galay Agaasime guud ku-xigeenka Dakhliga, Agasimaha Waaxda Furdooyinka, Agaasimaha waaxda Cashuuraha berriga, Madaxa Gadiidka  iyo Mas’uulyiinta loogu tala galay in ay gaadiidkan la wareegaan.

Gaadiidkan lacagta lagu soo iibiyey ayaa ah Ganaaxyadii ku dhacay shaqaalaha Wasaaradda Maaliyadda ee gudan waayay waajibaadkii shaqo ee loo igmaday lagana jaray lacagtii ay qaadan lahaayeen laguna hormariyey xarumaha Wasaaradda Maaliyadda.

Xarunta dhexe ee Wasaaradda Maaliyadda ee maamulka ayaa lasiiyey Gaari Bas ah oo loogu tala galay qaadista shaqaalaha, Xarunta dhexe ee Dakhliga oo ku taal Garowe ayaa lasiiyey Gaari Bas ah oo qaadi doona shaqaalaha xarunta dhex, Cashuuraha Beriga Boosaaso ayaa lasiiyey Gaari Probox ah halka Gaari probox ah la siiyey kastamka gobolka nugaal ee Garowe.

Agaasimaha guud ee Wasaaradda Maaliyadda Mudane Axmed Jaamac Jowle ayaa la dardaarmay Mas’uulyiinta xarumaha la siiyey Gaadiidkan in lagula xisaabtami doono ilaalinta hantida dad waynaha ayna ilaaliyaan bad qabkooda.

Ugu dambayn Wasiir ku xigeenka Dakhliga Wasaaradda Maaliyadda Dowladda Puntland Mudane Axmed Maxamed Bulxa ayaa sheegay in dowladda Puntland gacana ku wado horumarinta dalka gacanata kalena ay ku jirto difaaca, kuna wareejiyay Gaadiidkan Mas’uulyiinta xarumahii loogu tala galay.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

Read More
IMG_3582

Agaasime Guud Kuxigeenka Dakbliga Wasaaradda Maaliyadda Puntland oo Shir Guddoomiyay kulan looga hadlay Dardargelinta Dakhliga 2025[Sawirro]

GAROOWE – Agaasime Guud ku-xigeenka Dakhliga Wasaaradda Maaliyadda Mudane Abdiqadir Axmed  Xaashi ayaa shir guddoomiyay kulan looga hadlay dar dargalinya Dakhliga Sanada 2025.

Shirka ayaa waxaa ka soo qeyb galay Agaasimaha Waaxyaha dakhliga iyo Agaasime Ku xigeenada waaxyaha Dakhliga, madax qeybyada Dakhliga iyo maamulaha kastamka Dekada bosaso waxaana looga hadlay intii u socday shirkan qorshaha dakhli kicinta ee sanadka 2025 iyo xiriirka gobalada qaabka wada shaqeynta xarumaha dakhliga

Shirkan Waxaa la isla meel dhigay in kor loo qaado waxaa soo sarka Dakhliga gudaha iyo sidii loo labo labi lahaa soo xareynta lacagaha.

Agaasime guud ku-xigeenka Dakhliga Abdiqaadir xaashi ayaa madaxda faray in la rabo in shaqada la xoojiyo loona bahan yahay sidii wada shaqeyn dhow ay u wada yeelan lahayan xarumaha dakhliga.

Ugu dambayntii Agaasimaha ayaa bogaadiyay shaqooyinka dardargalinta dakhliga ee horumarka laga sameeyey kuna booriyey shaqaalaha in bulshada canshuur bixiyeyaasha ah la soo dhoweeyo.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

Read More
IMG_3414

Wasiir Kuxigeenka Dakhliga Wasaaradda Maaliyadda Dowladda Puntland oo Shir Guddoomiyay Kulanka Horumarinta Waaxyaha Dakhliga Wasaaradda[Sawirro]

GAROOWE – Wasiirku xigeenka Dakhliga Wasaaradda Maaliyadda Mudane Axmed Maxamed Bulxan ayaa shir gudoomiyey kulanka horumarinta waaxyaha dakhliga Wasaaradda Maaliyadda.

Shirarkan waxaa ka soo qayb galay Agaasime guud ku-xigeenka Dakhliga, Agaasimayaasha waaxyaha dakhliga iyo Madax qaybeedyada.

Kulankan ayaa looga hadlay shaqooyinkii Dakhliga ee Wasaaradda uqabsomay sanadii 2024- iyo Qoshayaasha 2025 Iyadoo laga duulaayo dardargalinta Dalkhliga iyo horumarinta goobaha adeega Dakhli bixinta laguna gaar siin doono hanaan casri si bulshadda loogu fududeeyo bixinta cashuuraha ku waajibay.

Ugu dambayn Wasiirku xigeenka Dakhliga Wasaaradda Maaliyadda Dowladda Puntland Mudane Axmed Bulxan ayaa bogaadiyey qorshayaasha horumarinta leh ee halkaasi lagu soo badhigay waxana uu kula dardaarmay Agaasimayaasha waaxyaha in si wadajir ah looga shaqeeyo dardargalinta dakhliga

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

Read More
IMG_3365

Wasaaradda Maaliyadda Puntland oo Cashuurta soo gelida ka daysay Gaadiidka DDS Itoobiya ee Shixnadaha wada ama ka qaada Puntland[Sawirro]

GAROOWE – Wasaaradda Maaliyadda Dowladda Puntland ayaa Baraha Kantaroolada ku war gelisay in laga daayey Cashuurta( Enter) Soogelida Gaadiidka DDS Itoobiya ka imaanaya ee shixnadaha gacansi ka qaada  Dekadaha Puntland ee Boosaaso iyo Garacad.

Axmed Jaamac Jowle Agaasimaha guud ee Wasaaradda Maaliyadda oo shir Jaraa’id qabtay ayaa faah faahiyey.

Hoos ka akhriso.

Baahintii

Xafiiska Wacyi-gelinta iyo Warfaafinta Wasaaradda Maaliyadda

Dowladda Puntland

Read More
IMG_3340

Madaxa Cashuuraha Wasaaradda Maaliyadda Dowladda Puntland oo Tababar u furay Ciidanka Illaadda Wadooyinka Taraafikada[Sawirro]

GAROOWE – Madaxa Cashuuraha Wasaaradda Maaliyadda Dowladda Puntland Axmed Khaalid Maxamed ayaa maanta tababar u furay Ciidanka ilaalada Wadoooyinka ee Taraafikada.

Tababarka waxaa ka soo qayb galay Hoggaanka Guud ee Ciidamada ilaalada nabadgalyada G/sare Mudane Cabdifitaax Siciid Saleebaan, waxaana lagu baran doonaa mudada u socdo Badbaada Wadooyinka ,Adeegsiga nidaamka cusub oo online  ah oo loogu talagaly in ay ku shaqeeyaan Ciidanka Taraafikadu , waxaan ciidanka tababarka siinayay Shirkadda Badbaado Institute Center ee Badbaadada Gaadiidka.

Madaxa Cashuuraha Wasaaradda Maaliyadda Dowladda Puntland Axmed Khaalid Maxamed oo daah-furay Tababarkan ayaa ka hadlay ahmiyada ay u leedahay in ay ka faa’iideystan ciidanka ilaalada wadooyinka casharada ay qaadanayaan mudada tababarku socdo.

Wasaaradda Maaliyadda Dowladda Puntland ayaa wada dadalo kor loogu qadayo aqoonta ciidanka ilaalada Cashuuraha iyo kuwa Nabadgalyada Wadooyinka si kor lagu qado Cashuuraha Gaadiidka dalka.

Baahintii

Xafiiska  Wacyi-gelinta iyo Warfaafinta Wasaaradda Maaliyadda

Dowladda Puntland

Read More
IMG_3317

Kuxigeenka Agaasimaha Guud ee Maamulka Wasaaradda Maaliyadda Puntland oo qalab shaqo socod-siinta ah ku wareejiyay Madaxda gobolada ee Wasaaradda[Sawirro]

GAROOWE – Kuxigeenka Agaasimaha guud ee Maamulka Wasaaradda Maaliyadda Dowladda Puntland  Mudane Cabdiraxmaan Yuusuf Cigaal ayaa agab isugu jira  Kombuyuutaro  iyo Printero ay diyaarisay Wasaaraddu guddoonsiiyey madaxda gobolada si kor loogu qaado hannaanka goobaha shaqada ee Wasaaradda.

Isku duba ridka qalabkan ayaa timi ka dib markii kormeero ay Madaxda Wasaaraddu ay ku tageen xarumaha gobolada fogfog loona soo gudbiyey baahiyaha jira ayaa Wasaraddu ka jawaabtay baahiyahaasi qalab si loo horimariyo shaqooyinka.

Agaasime guud ku-xigeenka Maamulka  Mudane Cabdiraxmaan Yuusuf Cigaal ayaa ka hadlay bixinta qalabkan.

” Wasaradda Maaliyaddu waxaa ay u guurtay habka Systemka Computerka lagana guuray habkii qorida Buuga ee Menwal si aysan liig uga iman xeraynta Dakhliga isuna dhamaysaranto dhanka la janqada shaqada ee Dakhliga, waxayna noo tahay talaabo dhanka horumarka ah oo horay loo qaaday”

Wasaradda Maaliyadda ayaa muddooyinkii u dambaysay ku hawlanayd sidii loo casriyan lahaa xarumaha kala duwan ee Wasaradda, sidii kor luga qadi laha aqoonta shaqalaha iyo hagaajinta nidamka xarumaha.

Ugu dambayn Agaasimaha ayaa la dardaarmay mas’uuliyiinta lagu wareejiyey qalabkan in ay ilaa liyaan, bulshadda Puntland ugu shaqeeyaan.

Baahintii

Xafiiska Wacyi-gelinta iyo Warfaafinta Wasaaradda Maaliyadda

Dowladda Puntland

Read More
IMG_3261

Wasiir Kuxigeenka Maaliyadda Dowladda Puntland oo la kulmay Guddiga dib u saxida Shaqaalaha Dowladda[Sawirro]

GAROOWE – Wasiirka Kuxigeenka Wasaaradda Maaliyadda Puntland Mudane Eng Cabdullaahi Ismaaciil Maxamed ayaa kulan la qaatay Guddiga Dib u saxida shaqaalaha Dowladda Puntland.

Guddiga ayaa ah mid uu horay u magacaabay Madaxweynaha Dowladda Puntland Mudane Siciid Cabdullaahi Dani, waxana hoggaaminayay Wasiir Kuxigeenka shaqada iyo shaqaalaha iyo arrimaha bulshada ahna Guddoomiyaha Guddiga Mudane Faarax Jaamac boos.

Shirka waxaa ka soo qayb galay Agaasime Ku-xigeenka Maamulka Wasaaradda Maaliyadda Mukhtaar Xassan Maxamed, Madaxa shaqada iyo shaqaalaha Wasaaradda Maaliyadda Muna Yaasiin Cali iyo mas’uulyiin ka socday Madaxtooyada, Shaqada iyo Shaqaalaha iyo shaqaalaha rayadka ah.

Guddiga ayaa Wasiirka uga mahad celiyay sida ay Wasaaradda ugu soo dhoweeyeen,  waxana ay la wadaageen Wasiirka halka ay marayso shaqooyiinkii loo igmaday, waxaana ay Wasaaradda ka cod sadeen in ay la wadaagaan  xogta shaqaalaha Wasaaradda Maaliyadda.

Ugu dambayn madaxda Wasaradda maaliyadda ayaa gudiga la wadaagay xogta shaqaalaha Wasaaradda Maaliyadda Dowladda Puntland.

Baahintii

Xafiiska  Wacyi-gelinta iyo Warfaafinta Wasaaradda Maaliyadda

Dowladda Puntland

Read More