ADDISABABA – Guddiga Dardargelinta Ganacsiga Dowladda Puntland oo sii wada booqashadoodii rasmiga ahayd ee ay ku joogaan magaalada Addis Ababa ayaa shirar kala duwan kula yeeshay Wasaaradda Gaadiidka iyo Saadka Dowladda Itoobiya oo uu hogaaminayo Wasiiru Dowlaha Wasaaradda iyo Hay’adda Kastamyada dalka Itoobiya.

Shirarka waxaa kale oo goob joog ka ahaa Qunsulka Guud ee Dowladda Ethiopia u fadhiya Dowladda Puntland.

Shirarka ayaa looga wada hadlay xoojinta iskaashiga ganacsiga, maalgashiga iyo horumarinta kaabayaasha dhaqaalaha ee u dhexeeya Puntland iyo Itoobiya.

Waftiga Puntland iyo Madaxda Hay’adda Kastamyada Dowladda Federaalka Itoobiya ayaa isla gartay in la dedejiyo hawlgalinta Kastamka Tuurdibi iyo goobaha kale ee laysaga gudbo.

Shirarka ay Guddigu la yeesheen Wasaaradda Gaadiidka iyo Saadka (Transport and Logistics Ministry) iyo Madaxda Kastamyada ayaa ku soo dhammaaday is faham iyo in si degdeg loo bilaabo iskaashi dhinacyo badan leh, una faa’ideynaya danaha horumarineed ee Puntland iyo Itoobiya.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

ADDIS ABABA – Wafti uu hoggaaminayo Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa kulan kula qaatay Addis Ababa mas’uuliyiin ka tirsan Dowladda Ethiopia.

Kulanka oo uu goob joog ka ahaa Wasiiru Dowlaha Wasaaradda Arrimaha Dibadda Danjire Mesganu Arga ayaa Wadahadalkooda labada wafdi waxay u kuurgaleen fursadaha iskaashi ee ganacsiga, maalgashiga, iskaashiga tamarta, iyo mashaariicda kaabayaasha wadajirka ah si loo xoojiyo loona ballaariyo xiriirka labada dhinac.

Waftiga Dowladda Puntland ayaa si qoto dheer uga hadlay xiriirka soo jireenka ah ee ka dhexeeya Puntland iyo Itoobiya, iyagoo qiray taageerada iyo iskaashiga ay Itoobiya la garab taagan tahay gaar ahaan dhinacyada amniga iyo waxbarashada.

Wafdiga ayaa sidoo kale sheegay in dowladda cusub ee Puntland ay doonayso inay sii xoojiso xiriirka labada dal ee Itoobiya, iyagoo ku nuux-nuux saday muhiimadda ay leedahay in diiradda la saaro ganacsiga horumarinta kaabayaasha dhaqaalaha iyo iskaashiga dhaqaalaha.

Danjire Mesganu ayaa ku celiyay sida ay Itoobiya uga go’an tahay xiriirka Puntland, wuxuuna caddeeyay in Itoobiya ay diyaar u tahay iskaashi dhinacyo kala duwan leh. Waxa uu sidoo kale hambalyo u diray dowladda Puntland oo uu sheegay in ay si wanaagsan u dhacday doorashadii dhacday.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

AROOWE- Wasiir Kuxigeenka Wasaaradda Maaliyadda Puntland ahna kusimaha Wasiirka Mudane Eng Cabdulaahi ismaacil Maxamed oo ay weheliyaan Agaasime guud ku-xigeenka Maamulka Mudane Cabdiraxmaan Yuusuf Cigaal iyo Agaasimaha Waaxda Miisaaniyadda Mudane Cabdisamad Cawad ayaa kulan la qaatay mas’uulyiin ka tirsan Hay’ada Save The Children.

Kulankan oo ka dhacay xarunta dhexe ee Wasaaradda Maaliyadda ayaa ahaa is xog-waraysi iyo sidii ay wada shaqayn dhow u wada yeelan lahaayeen Wasaaradda Maaliyadda iyo Hay’ada Save The Children.

Madaxda Wasaaradda Maaliyadda ayaa mas’uuliyiinta Hay’ada la wadaagay qorshayaasha Miisaaniyadda ee lagu kabo Waxbarashada, agoomaha, Caafimaadka, dadka baahiyaha gaar ka ah leh iyo sida Wasaaradda Maaliyadda uga go’an tahay in ay taageerto xuuquuqaha caruurta iyo dadka baahiyaha gaarka ah leh.

Madaxda Save The Children ayaa Madaxda Wasaaradda Maaliyadda uga mahad celiyey shaqooyinka gaarka ah ee ay u hayaan bulshada reer Puntland iyo sida ay isaga xilsaareen xaquuqaha caruurta iyo dadka baahiyaha gaarka ah leh.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Madaxda Labada Wasaaradood ee Maaliyadda iyo Qorsheynta ayaa yeeshay kulan looga wada hadlay dardargalinta Dalkhliga Dowladda.

Kulankan waxaa ka qayb-galay Wasiirka Wasaaradda Qorsheynta, Wasiirku xigeenka Dakhliga Wasaaradda Maaliyadda, Agaasimaha guud ee Wasaaradda Maaliyadda, Agaasimaha guud ee Wasaaradda Qorsheynta, Agaasime guud ku-xigeenka Dakhliga Wasaaradda Maaliyadda iyo mas’uuliyiin kale oo kaa tirsan labada Wasaaradood.

Intii uu socday Kulanka ayaa looga wada-hadlay xoojinta xiriirka wada-shaqeyneed ee labada Wasaaradood, gaar ahaan kor u qaadista iyo soo xareynta Cashuuraha iyo soo saarista dakhliga dowladda oo ay labada Wasaaradood iska-kaashadaan.

Madaxda Wasaaradda Maaliyadda ayaa Wasiirka Wasaaradda Qorsheynta iyo madaxda kale uga mahad celiyey wadashaqaynta dhow ee ay la leeyihiin Wasaaradda Maaliyadda Dowladda Puntland.

Madaxda Wasaaradda Maaliyadda ayaa dadaal ku bixiya sidii loo heli lahaa dakhligii dalka lagu horumarin lahaa si dowladduna u gudato Waajibaadkeeda shaqo, wada shaqaynta Wasaaraduhuna door wayn ka qaataan soo xeraynta dakhliga.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Madaxweynaha Dowladda Puntland Mudane Siciid Cabdullaahi Deni ayaa maanta kormeeray xarunta dhexe ee Wasaaradda Maaliyadda Dowladda Puntland, halkaasi oo ay kusoo dhoweeyeen mas’uuliyiinta Wasaaradda.

Madaxweynaha ayaa warbixin ka dhegaystay mas’uuliyiinta Wasaaradda Maaliyadda oo uga warbixiyey qorshaha dardargelinta dakhliga iyo shaqooyinka kale hannaanka Maaliyada lagu horumarinayo.

Kormeerka waxaa Madaxweynaha ku weheliyay Agaasimaha Guud ee Madaxtooyada Mudane Maxamed Jaamac Cabdiraxmaan iyo Af-hayeenka Madaxtooyada ahna Agaasimaha Warfaafinta Madaxtooyada Mudane Jaamac Dabaraani.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Xisaabiyaha Guud ee Dowladda Puntland Mudane Maxamed Cabdillahi Ismaaciil ayaa hoolka shirarka ee Wasaaradda Maaliayadda ugu daah-furay 7 Wasaaradood iyo 3 hay’adood nidaamka maaraynta Maaliyadda PL-FMIS.

Kulanka Xisaabiyaha waxaa ku weheliyey ku xigeenka Xisaabiyaha Guud ee Dowladda, Agaasime guud ku xigeenka Dakhliga Wasaaradda Maaliyadda, Agaasimayaasha Wasaaradaha, agasimayaaasha maamulka iyo maaliyadda ee Wasaaradaha iyo Ha’adaha tobanka ah, khubarada xafiiska xisaabaadka guud iyo gudugii gacanta ku hayay hirgalinta barnaamijkan.

Barnaamika hirgelinta nidaamka Khasanada Midaysan (TSA)waxaa loo qabay Wasaaradda iyo Hayadaha kala ah-
1. Wasaaradda Gargaarka iyo masiibooyinka
2. Wasaaaradda Kaluumaysiga iyo Khayraadka Badda
3. Wasaaradda Wasaaradda Amriga iyo DDR ta
4. Wasaaradda Wasaaraddda Hawlaha guud iyo Guriyeynta
5. Wasaaradda Warfaafinta
6. Wasaaradda Duulista Hawada iyo Garoomada
7. Wasaaradda Ganacsiga
8. Hayadda Xuquuqul Insaanka
9. Hay’adda la dagaalanka AIDS ka
10. Hay’adda Maaraynta Xogta Biyaha iyo Dhulka.

Nidaamka maaraynta maaliyadda PL-FMIS, ayaa salka ku haya siyaasadda Dawlada ee ah sidii loo samayn lahaa Khasnadda Midaysan Ee Dawladda (Treasury Single Account).

Xisaabiyaha Guud ayaa ku dhiiri geliyey kasoo qayb galayaasha Wasaaradaha iyo Hay’adaha sida ay lagama maarmaan u tahay samaynta Khasnada Midaysan ee Dawladda (TSA) iyo in Wasaaradaha iyo Hay’aduhu ay aad uga faa’iidaystaan nidaamka oo waxbadan ka taraya qaab xisaabeedka Wasaarada iyo Hay’ad walba si dhakhsa ahna u hirgaliyayaan.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAALKACYO – Wasiirka Wasaaradda Maaliyadda Dowladda Puntland Mudane Maxamed Faarax Maxamuud iyo Guddi uu hoggaaminayo ayaa maanta kormeer howleed ku tagay garoonka diyaaradaha C/laahi Yususuf ee magaalada Gaalkacyo.

Guddiga ayaa warbixino kala duwan ka dhagaysteen Maareeyaha garoonka diyaaradaha Siciid C/raxmaan Dhagaweyne Iyo xisaabiyaha Wasaaradda Maaliyadda gobolka Mudug Ismaaciil Cabdinuur Geesey.

Intii ay guddigu ku jireen kormeerka ayna ahayd xili shaqo waxay booqdeen xafiisyada xarunta Wasaaradda ee gobolka Mudug iyo goob horey lagu talagalay in laga dhiso Garoon diyaaradeed oo cusub kaas oo duleedka waqooyi kaga beegan magaalada Galkacyo.

Ugu dambayn Guddiga dardargelinta Ganacisga ayaa booqaday Wasaaradda Deegaanka xarunteeda magaalada Gaalkacyo
gudddiga daradargalinta ganacsiga Puntland ayaa dhawaan waxa magacabay Madaxweynaha Dowladda Puntland Mudane Siciid C/laahi Deni.

Baahinta

Xaafiska Wacyi-galinta iyo Warfaafinta
Wasaaradda Maaliyadda
Dowladda Puntland

GARACAD – Guddi uu Hoggaaminayo Wasiirka Wasaaradda Maaliyadda Dowladda Puntland Mudane Maxamed Faarax Maxamuud ahna Guddoomiyaha Guddiga Dardargelinta Ganacsiga Puntland ayaa gaaray magaaladda Garacad ee degmada Jariiban gobolka Mudug.

Guddiga oo ku sugan magaalada Garacad ee dagmada Jariiban ayaa waxay booqdeen Dekeda Garacad oo ay ka socdaan shaqooyinka dejinta badeecadaha ay wadaan doonyaha iyo maraakiibta ku suu xirtay Dekeda.

Sidoo kale Guddiga ayaa waxa ay booqdeen xafiisyada Wasaaradda Maaliyadda, goobaha Xannaanada Xoolaha sida xarumaha Baarista iyo Maxjarka xoolaha ee Garacad.

Guddigan oo uu hoggaaminayo Wasiirka Maaliyadda Dowladda Puntland Maxamed Faarax Maxamuud ayaa warbixino ka dhagaystay mas’uuliyiinta Dekeda Garacad, howlwaddeenada Wasaaradda Maaliyadda iyo maamulayaasha maxjarka xoolaha ee Garacad.

Waxaa xusid mudan in gudigu horey u soo booqdeen Qardho iyo Booasaao.

Baahinta

Xafiiska Warfaafinta iyo Wacyigalinta
Wasaaradda Maaliyadda
Dowlada Puntland

BOOSAASO – Wasiirka Wasaaradda Maaliyadda ahna Guddoomiyaha Guddiga Dardargelinta Ganacisga Puntland Mudane Maxamed Faarax Maxamuud iyo Guddiga Dardargalinta dakhliga ayaa kormeer shaqo ku tagay goobaha dakhliga soo xeraynta Wasaaradda Maaliyadda gobolka Bari.

Wasiirka iyo Guddiga waxaa halkaasi ku soo dhoweeyey Maamulaha Furdooyinka gobolka Bari, Taliyaha Dekedda iyo Mas’uulyiin kale.

Maamulaha Furdooyoinka Maxamed Yuusuf ayaa Wasiirka xog dheeri ah ka siiyey shaqooyinka cashuurista badeecadaha soo dega iyo kuwa ka dhoofaya Dekeda , waxana Wasiirku booqday xafiisyada Wasaaradda.

Sidoo kale Wasiirka iyo Guddiga ayaa booqday Kastamka Wasaaradda Maaliyadda ee Garoonka Diyaaradaha xili ay halkaasi ka socdeen shaqooyinkii cashuurista badeecadaha ay wadaan Diyaaradaha xamuulka.

Guddiga dardargelinta Ganacisga Puntland ayaa Boosaaso u joogaa xogo ku aadan dardargalinta Ganacisga Puntland.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Wasiir Kuxigeenka Maamulka Wasaaradda Maaliyadda Dowladda Puntland Mudane Eng Cabdulaahi ismaaciil Maxamed oo uu waheliyo Agaasimaha Guud ee Wasaaradda Mudane Axmed Jaamac Jowle ayaa kormeeray dhammaan xafiisyada Wasaaradda ee xarunta dhexe Garoowe.

Ujeedka kormeerka ee xafiisyada ayaa ahaa in uu Wasiirku wax ka ogaado shaqooyinka socda, caqabadaha Xafiisyada ka jira iyo sidii loo xoojin lahaa shaqada Wasaaradda.

Agaasimaha Guud ee Wasaradda Maaliyadda Dowladda Puntland Mudane Ahmed Jaamac Jowle ayaa wasiirka warbixin guud ka siiyay qaabka ay u kale shaqeeyaan Xafiisyada kale duwan ee Wasaaradda iyo shaqaalaha ka howlgala shaqooyinka ay qabtaan.

Wasiir Kuxigeenka Maamulka Wasaaradda Maaliyadda Mudane Eng Cabdulaahi ismaaciil ayaa shaqaalaha Wasaaradda ku booriyay in ay muujiyaan dadaal dheeri ah oo ku aadan qaabka shaqada ay u wadaan, sidoo kale waxaa u sheegay in loo baahan yahay in qof waliba waajibad iska saaro shaqada uu u hayo bulshada.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland