GAROOWE – Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle oo uu weheliyey Agaasimaha Waaxda Qorshaynta iyo tababarada ayaa daah-furay tababar Wasaaradda Maaliyadu u qabatay shaqaalaheeda,kuna saabsan Cilmiga barashada Kumbuyuutarka (ICT Training).

Tababarkan ayaa lagu baranayey qaybaha kala duwan ee cilmiga kubuyuutarka-Sida Looga hortago La Iskagana Difaaco Weerarada dhanka Internet-ka ka dhaca iyo Barashada diyaarinta xisaabaadka (Spreadsheet using Pivot tables).

Tababarkan waxaa ka soo qayb galay 30 shaqaale oo ka kala socday Waaxyaha ay ka mid yihiin Dakhliga, Miisaaniyadda, Qorsheynta, Xisaabaadka, iyo Hantidowrka Gudaha.

Agaasimaha ayaa shaqalaha Wasaaradda ee tababarka loo qabtay kula dardaarmay in ay ka faa’idaystaan casharada la baridoono ee dhanka Computer ka, waxaana uu sheegay in Madaxda Wasaaradda in ay ka go’an tahay in kor looqaado aqoonta shaqaalaha.

Waxaa xusid mudan in tababarkan ay isku soo duba rideen Xafiiska qorshaynta iyo tababarada Wasaaradda Maaliyadda waxaana fuliyey macalimiin ka socda Xafiiska ICT-PFMIS ee Wasaaradda Maaliyadda.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Wasiirka Wasaaradda Maaliyadda Dowladda Puntland Mudane Maxamed Cabdiraxmaan Dhabancad iyo madax ka tirsan Wasaaradda Maaliyadda ayaa maanta kulan la qaatay Guddiga Maaliyadda,Dhaqaalaha & Xisaabaadka Gollaha Wakiilladda Dowladda Puntland.

Guddiga oo akhriskii 2-aad ku sameynayey Miisaaniyadda 2024 ee Gollaha hortaala ayaa su’aalo ka waydiiyey Wasiirka iyo xubnaha kale ee Wasaaradda si ay u helaan xog-dheeri ah oo la xiriirta Miisaaniyadda Dowladda ee 2024.

Miisaaniyada 2024-ka ayaa dhan $387,550,700, ( Saddex boqol sideetan iyo todoba malyan , shan boqol iyo konton kun iyo todobo boqol oo dollar), iyadoo kororka Miisaaniyaddu yahay 3% marka la bar-bar dhigo miisaaniyadii sannadkii hore.
Wasiirka Wasaaradda Maaliyadda iyo mas’uuliyiinta kale ayaa ka jawaabay dhammaan su’aalihii Guddigu waydiiyeen guddigu.

GAROOWE- Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa shir guddoomiyey kulanka asbuuclaha ah ee horumarinta shaqada Wasaaradda Maaliyadda.

Kulankan ayaa lagu qabtay xarunta Dakhliga Wasaaradda Maaliyadda, waxaana ka soo qayb galay Agaasime guud ku xeenkaa Dalkhliga Mudane Cabdulqaadir Axmed Xaashi, ku xigeenka Agaasimaha guud ee Maamulka Mudane Cabdiraxmaan Yuusuf Cigaal iyo Agasimayasha waaxyaha.

Shirkan ayaa looga hadlay arrimaha dib u eegista Mashariicda uuna ka mid yahay Mashruuca RCRF waxyaabihii ka qabsoomay 2023 iyo qorshayaasha 2024.

Sodoo kale shirkan intii uu socday waxaa lagu soo bandhigay qorshayaasha kobcinta cashuuraha berriga oo guulo wax ku ool ah laga gaaray iyo qorshayaasha 2024.

Ugu dambayn Agaasimaha guud ee Wasaaradda Maaliyadda ayaa bogaadiyey shaqooyinka horay loogu balamay wax ka qabashadooda iyo guulaha la gaaray, bulshadana ugu baaqay in ay cashuurta ku waajibay bixiyaan.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Wasaaradda Maaliyadda Dowladda Puntland ayaa maantay magaalada Garoowe qado sharaf ku casuntay Ganacsatada Puntland.

Wasiirka Wasaaradda Maaliyadda, Wasiir Kuxigeenka Wasaaradda, Agaasimaha guud ee Wasaaradda, Agaasime guud Kuxigeenka Dakhliga iyo mas’uulyiin kale ee oo ka tirsan Wasaaradda ayaa qado sharafta ka qayb galay dhanka Wasaaradda, halka ay dhanka Ganacsatada ka soo qaybgaleen mas’uuliyiin ka tirsan Shirkadaha ganacsiga waa weyn.

Mas’uuliyiinta Wasaaradda Maaliyadda ayaa Ganacsatada uga mahadceliyey wadashaqeynta kala dhaxaysa Wasaaradda iyo sida wanaagsan ee ay u bixiyaan cashuuraha ku waajibay.

Xubno u hadlay Ganacsatada ayaa Madaxda Wasaaradda ee uu hoggaaminayo Wasiirka Wasaaradda uga mahad celiyey martiqaadka, waxayna cod dheer ku sheegeen in ay diyaar u yihiin bixinta cashuuraha ku waajibay iyo horumarinta dalka.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Agaasimaha Guud ee Wasaaradda Maaliyada Dowladda Puntland Mudane Axmed Jaamac Jowle oo u kuur gelaya habsami u socodka shaqada Wasaaradda Maaliyada ayaa maanta kormeer ku tagey xarumaha dakhliga.

Xarunta dakhliga oo dhawaan shaqo bilowday ayaa Agaasimuhu halkaasi kula kulmay madaxda iyo shaqaalaha Wasaaradda, isaga oo mid mid u booqday xafiisyada kala duwan, wuxuuna shaqaalaha iyo madaxdaba kula dardaarmay inay sii labba jibaaraan shaqooyinka kaladuwan gaar’ahaan dardargelinta dakhliga.

Axmed Jaamac Jowle Agaasimaha guud ee Wasaaradda Maaliyadda ayaa sidoo kale kormeer shaqo ku tagey kantaroolada Laacdheere iyo Bixin ee magaalada Garowe, isaga oo shaqaalaha goobahaas ka hawlgala iyo ciidamada ilaalada cashuuraha faray inay adkeeyaan ilaalinta cashuurta Dowladda.

Kormeerkan shaqo ee Agaasimaha waxaa ku weheliyey Agaasime ku-xigeenka Waaxda Furdooyinka, Xisaabiyaha gobalka Nugaal iyo maamulayaasha dakhliga gobalka Nugaal.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

BOOSAASO – Agaasime Guud Kuxigeenka Maamulka Wasaaradda Maaliyadda Dowladda Puntland Mudane Cabdiraxmaan Yuusuf Cigaal ayaa Kormeer guud ku sameeyay xarumaha Wasaaradda ee Gobolada Karkaar, Bari iyo Sanaag.

Kormeerkan ayaa qayb ka ahaa kor u qaadida hannaanka maamulka iyo tayaynta shaqada Wasaaradda Maaliyadda ee gobolada Dowladda Puntland.

Agaasimuhu intii uu Kormeerkan shaqo ku guda jiray waxaa uu la kulmay Madaxda iyo shaqaaalaha ka howlgala xarumaha Wasaaradda,waxana uu heley warbixino la xiriira shaqooyinka socda, waxana uu kula dardaarmay in ay gutaan waajibaadka saaran ee shaqo.

Ugu Danbayn Agaasime Guud Kuxigeenka Maamulka Wasaaradda Maaliyadda Mudane Cabdiraxmaan Yuusuf Cigaal ayaa Bulshada Puntland ugu baaqay in ay bixiyaan cashuurta ku waajibtay si dowladduna u gudato Waajibaad keeda shaqo ee dalka.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland