GAROOWE – Wasiirka Wasaaradda Maaliyadda Dowladda Puntland, Mudane Maxamed Faarax Maxamuud, ayaa soo xiray kulanka horumarinta dakhliga oo loo qabtay mas’uuliyiinta gobollada xeebaha Puntland.

Waxaa Wasiirka kulanka ku wehliyey Wasiiru-dowlaha Wasaaradda Maaliyadda, Wasiir-ku-xigeenka Dakhliga iyo Ku-xigeenka Xisaabiyaha Guud ee Dowladda Puntland, kuwaas oo soo bandhigay warbixino iyo talooyin la xiriira sidii loo xoojin lahaa hannaanka ururinta dakhliga iyo hagaajinta nidaamyada maamulka maaliyadeed ee gobollada.

Kulanka ayaa diiradda lagu saaray dib-u-habeynta iyo casriyeynta nidaamka dakhliga, si loo abuuro ilo dhaqaale oo waara, loona xaqiijiyo maalgelinta adeegyada bulshada iyo Hormarinta Adeega Dowladda.

Wasiirka Maaliyadda, Mudane Maxamed Faarax Maxamuud, oo khudbad dheer ka jeediyay xiritaanka kulanka, ayaa uga mahadceliyey mas’uuliyiinta dakhliga ee gobollada shaqada wanaagsan ee ay hayaan, isaga oo ku booriyay inay muujiyaan dadaal dheeraad ah, maadaama dakhligu yahay laf-dhabarta difaaca iyo horumarinta qaranka.

“Dakhliga aynu soo saarno waa tiirka ugu weyn ee lagu dhiso dowladnimada iyo adeegyada bulshada. Waxaan idinka rajaynayaa in aad dadaal iyo daacadnimo dheeraad ah ku bixisaan waajibaadka shaqo ee idin saaran,” ayuu yiri Wasiir Maxamed Faarax Maxamuud.

Intaa kaddib, Wasiirku waxa uu si gaar ah uga hadlay gobolka Raas-Casayr, isaga oo sheegay in madaxda Wasaaraddu ay dhawaan ku tegi doonaan kormeer shaqo oo ballaaran, loona hawlgelayo daboolidda baahiyaha rasmiga ah ee halkaas ka jira.

Ugu dambayn, Wasiirka Maaliyadda Puntland ayaa ku adkeeyay mas’uuliyiintii kulanka ka qeybgalay in ay ka dhabeeyaan awaamiirta dhanka shaqada ee loo igmaday. Wuxuu carrabka ku adkeeyay in la hirgelin doono kormeero joogto ah iyo in si cadaalad ah loo abaalmarin doono shaqaalaha iyo xarumaha ka soo baxa waajibaadkooda shaqo.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Madaxda Wasaaradda Maaliyadda Dowladda Puntland una hoggaaminayo Wasiirka Wasaaradda Mudane Maxamed Faarax Maxamuud ayaa xarunta Wasaaradda ku soo dhoweeyey

xubno ka socday hay’adda Qaramada midoobay u qaabilsa. horumarinta ee UNDP ee Xafiiska New York.

Kulan dhex maray labada dhinac ayaa xubnaha UNDP shirka ka sheegeen in ay doonayaan sidii ay xiriir wadashaqeyn dhow ula yeelan lahaayeen Wasaaradda Maaliyadda Dowladda Puntland.

Madaxda UNDP ayaa xog looga siiyey

qaabka la isku waafajiyo miisaaniyadda iyo qorsheynta maaliyadeed ugana qayb qaadan lahaayeen qorshaha dhow iyo midka fog ee ay samaysay Wasaaradda Maaliyadda Puntland.

Madaxda Wasaaradda Maaliyadda Dowladda Puntland ayaa ku ammaanay xubnahan wadasheynta ay doonayaan iney la yeeshaan Wasaaradda Maaliyadda Dowladda Puntland .

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasiirka Wasaaradda Maaliyadda Puntland, Mudane Maxamed Faarax Maxamuud uuna weheliyo Wasiir ku-xigeenka Dakhliga Wasaaradda Maaliyadda Mudane Axmed Maxamed Bulxan ayaa maanta daah-furay kulanka looga hadlayo kor u qaadista dakhliga xeebaha, kaas oo ka furmay xarunta dhex ee Wasaaradda Maaliyadda.

Shirka waxaa goob-jooga ahaa Agaasime Guud ku-xigeenka Dakhliga, Ku-simaha Xisaabiyaha Guud ee Dowladda, Xisaabiyaha Gobolka Ras-casayr, Ku simaha xisaabiyaha ahna xisaabiye ku xigeenka gobollada Sanaag iyo Haylaan,

Agaasimayaasha waaxyaha  Maamulayaasha dakhliga degmooyinka, Taliyaha Gobolka Raas-casyr, Maamulayaasha canshuuraha gobollada Raay-caysr, Sanaag iyo Nugaal, masuuliyiinta Wasaaradda ee ku sugan xeebaha.

Wasiir ku-xigeenka Dakhliga, Axmed Bulxan, oo khudbad ka jeediyey furitaanka shirka ayaa xusay muhiimada uu leeyahay shirka, isagoo tilmaamay in ujeeddadiisu tahay in la dardargeliyo dakhliga xeebaha Puntland, maadaama ay yihiin laf-dhabarta dhaqaalaha iyo il muhiim u ah kor u qaadista adeegyada bulshada.

Wasiirka Maaliyadda Dowladda Puntland Maxamed Faarax, ayaa carrabka ku adkeeyay in Wasaaradda Maaliyaddu mudnaanta siineyso horumarinta dakhliga xeebaha, gaar ahaan canshuuraha iyo adeegyada dhaqaalaha ka soo gala xeebaha Puntland, kuwaas oo door weyn ku leh horumarinta dakhliga.

Shirkan ayaa socon doona muddo laba maalmood ah, waxaana la filayaa in ay ka soo bixi doonaan qodobbo iyo talooyin wax-ku-ool ah oo dhiirrigelinaya horumarinta dakhliga xeebaha, isla markaana ka qayb qaata kobcinta dhaqaalaha.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

BIRTA-DHEER – KALABAYR Wasiirka Wasaaradda Maaliyadda Dowladda Puntland Mudane Maxamed Faarax Maxamuud iyo Wefti uu hoggaaminaayo ayaa kormeer ku tagay dhismaha laamiga isku xira Birta-dheer ilaa Kalabayr, oo dhererkiisu yahay 20 km. Inta badan shaqada jidkan muhiimka ah ayaa la soo gabagabeeyey, iyadoo 18.5 km oo laami ah si rasmi ah loo dhammaystiray.

Kormeerka waxaa sidoo kale qeyb ka ahaa Wasiirka Wasaaradda Howlaha Guud, qaar kamid ah golaha Baarlamaanka, Guddoomiyaha iyo Gudoomiye kuxigeenka Hay’adda wadooyinka Puntland ee ( PHA )  Ganacsade Jaamac Dhagadheere iyo masuuliyiin kale oo katirsan Dowladda.

Mas’uuliyiinta Dowladda Puntland waxaa halkaasi  ku soo dhoweeyey maamulaha shirkadda Kebarco, faysal Xasan Yacquub oo fulinaysay dhismaha laamigan.

Mashruucan dhismaha laamiga Birdheer – Kalabayr ayaa lagu hirgelinayaa canshuurta shacabka Puntland, taas oo muujinaysa sida dowladda Puntland iyo bulshada ay si wadajir ah ugu heelan yihiin horumarinta kaabayaasha dhaqaalaha iyo isku xirka magaalooyinka dalka.

Wasiirrada Maaliyadda iyo masuuliyiintii kale ee socdaalka ku wehelinayey ayaa bogaadiyey tayada shaqada, iyagoo ku dhiirrigeliyey shirkadda iyo bulshada inay sii wadaan dadaallada dhismaha waddooyinka kale ee muhiimka ah.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Waxaa magaalada Garowe ka dhacay kulan muhiim ah oo ay isugu yimaadeen masuuliyiin ka kala socday Wasaaradda Maaliyadda, Wasaaradda Arrimaha Gudaha, iyo Wasaaradda Ganacsiga ee Puntland.

Mas’uuliyiinta Kulankan ka qaybgalay waxaa ka mid ahaa Wasiirka Wasaaradda Maaliyadda, Wasiirka Wasaaradda Arrimaha Gudaha, Wasiirka Wasaaradda Ganacsiga iyo Agaasimayaasha Guud ee Sadexdan Wasaaradood.

Kulanka ayaa diiradda lagu saaray kala qeexidda iyo kala saarista canshuuraha ay qaadaan dowladaha hoose iyo kuwa dowladda dhexe, si looga fogaado is-buurasho, isla markaana loo helo nidaam canshuureed oo hufan oo cadaalad ah.

Ujeeddada kulanka ayaa ahayd in la xalliyo caqabadaha ka dhasha is dhex galka canshuuraha, iyadoo la caddeynayo cidda ay gaar u tahay qaadista noocyada kala duwan ee canshuuraha ganacsiga, adeegyada, iyo hantida.

Waxaa sidoo kale la isla gartay in la dhiso guddi farsamo oo ka soo shaqeeya habraac cad oo ay ku qeexan yihiin waajibaadka canshuureed ee dowladda dhexe iyo dawladaha hoose.

Ugu dambayn, kulanka ayaa loo arkaa mid muhiim u ah kobcinta dhaqaalaha Puntland iyo hagaajinta kalsoonida shacabka ee nidaamka canshuur ururinta, Waxaana lagu ballamay in kulamo dheeraad ah la yeesho si loo dhamaystiro qorshaha kala saarista canshuuraha.

 Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasiirka Wasaaradda Maaliyadda Mudane Maxamed Faarax Maxamuud oo ay weheliyaan Ku-simaha Xisaabiyaha guud ee Dawlada Puntland, ahna Ku-xigeenka Xisaabiyaha Guud Mudane Caali Jaamac Gaashaan Iyo Agaasime Ku-xigeenka guud ee Dakhliga Cabdulqaadir Axmed Xaashi ayaa gudoomiyey kulanka billaha ee kala war-qaadashada Xisaabiyeyaasha gobalada Iyo madaxda sare ee Wasaaradda Maaliyadda.

Kulankan oo ay sidoo kale ka qayb-galeen Agaasimaha waaxda cashuuraha Beriga, saraakiisha xisaabaadka guud Iyo dakhliga ayaa u qabsoomay hab fogaan arag ah (Zoom) waxaana xooga lagu saaray wax yaabaha ka qabsoomay qaladaadkii uu baaristii ugu danbaysay kusoo bandhigay Hantidhawrka guud ee Dawlada Puntland, gaar’ahaan dhanka Dakhliga.

Xisabiyeyaasha gobalada ayaa madaxda sare ee Wasaaradda usoo bandhigay talaabooyinka ay qadeen Iyo wax yaabaha u qabsoomay ee ay  ku saxeen habka qabashada Iyo xaraynta Dakhliga Dawlada, waxayna tilmaameen inay isbadel weyn Ku sameeyeen habkii Dakhli xaraynta Dawlada.

Ku-simaha Xisaabiyaha guud ee Dawladda Iyo agaasime guud ku-xigeenka dakhliga ayaa dhankooda qiray horumarka laga sameeyey dakhliga, waxayna ku gubaabiyeen Xisaabiyeyaasha gobalada inay sii labba jibaaraan shaqada ayna xooga saaraan kor joogtaynta Iyo ilaalinta shaqooyinka dakhli qabasho ee ka socda goobaha dakhliga, waxayna balan qaadeen inay fududayn doonaan wax yaabaha dhankooda Ku aadan oo ay kamid tahay tababaro dhawaan loo furi doono Shaqaalaha gobalada.

Wasiirka WasaaraddaMaaliyadda mudane Maxamed Faarax Maxamuud oo Kulanka Soo xiray ayaa Xisaabiyeyaasha gobalada ku aamanay dadaalka shaqo ee muuqda, wuxuuna ugu baaqay inay sii xoojiyaan dadaalka ayna u kala war qaadan doonaan si bille ah si Loo ogaado hadba wixii qabsoomay.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

BOOSAASO – Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa shir gudoomiyey kulan looga hadlay hormarinta shaqada iyo dardargelinta dakhlig gobolka.

Kulanka waxaa ka qaybgalay Maamulaha cashuuraha beriiga, Agaasime Ku-xigeenka Furdooyinka, Mas’uulyiin ka tirsan

internail auditka Wasaaradda iyo saraakiisha ilalada canshuuraha.

Mas’uuliyiinta Kulanka ka qaybgalay ayaa Agaasimaha guud la wadaagay shaqooyiinka socda, Guulaha laga gaaray iyo caqabadaha jira ee ubahan in la xaliyo.

Axmed Jaamac Jowle Agaasimaha guud ee Wasaaradda Maaliyadda ayaa masuuliyiinta internail auditka Wasaaradda faray in ay siiwadaan baarista sax naashaha Dakhliga maalinlaha ah ee soo xerooda ayna muujiayaan dadaal dheeri.

Sidoo kale Agaasimaha ayaa Mas’uuliyiinta Cashuuraha beriga iyo saraakiisha ilaalada cashuuraha ku booriyay in muhimada la saaro kor uqaadida dakhliga cashuuraha berriga oo ah mid muhiim u ah dakhliga dalka lana abuuro ilo dakhli oo kale

Ugu danbayn shirkan ayaa lagu kala qaatay awaamiir ku aadan xoojinta shaqada iyo kor uqaadida dakhliga.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAALKACYO – Wasiirka Wasaaradda Maaliyadda Dowladda Puntland, Mudane Maxamed Faarax Maxamuud, oo safar shaqo ku jooga magaalada Gaalkacyo, ayaa maanta booqasho kormeer ah ku tagay xarunta Wasaaradda Maaliyadda ee Gobolka Mudug, halkaas oo ay ka socdaan dib-u-dhis casri ah oo lagu horumarinayo xafiisyada Wasaaradda.

Xisaabiyaha Wasaaradda Maaliyadda ismaacil Cabdinuur Geesey oo ay wehelinayaan Maamulaha Canshuuraha Gobolka Mudug, Cabdullaahi Khaliif Cabdille, iyo Maamulaha Canshuuraha Berriga ee Gobolka, Maxamuud Cabdullaahi (Kadawe) ayaa Wasiirka halkaasi ku soo dhoweeyey.

Wasiirka ayaa  kormeeray qeybaha kala duwan ee xarunta, gaar ahaan meelaha ay ka socdaan howsha dhismaha iyo casriyeynta, waxaaana warbixin ku saabsan horumarka shaqada wasiirku ka dhageystay maamulka iyo injineerada fulinaya dhismaha.

Wasiir Maxamed Faarax ayaa bogaadiyey dadaalka maamulka gobolka iyo shaqaalaha Wasaaradda ee ku aaddan horumarinta kaabayaasha xarunta, wuxuuna sheegay in dib-u-dhiska xarumaha maaliyadda uu qeyb weyn ka yahay kobcinta hufnaanta iyo daahfurnaanta nidaamka maaliyadeed ee Puntland.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

BOOSAASO – Xarunta Cashuuraha Berriga waxaa kormeer shaqo ku tagay Agaasimaha guud ee Wasaaradda Maaliyadda Mudane Axmed Jaamac Jowle.

Agaasimaha waxaa halkaasi ku soo dhoweeyey Maamulaha Canshuuraha Berriga Gobolka Bari, Taliyaha Ilaalinta Canshuuraha Gobolka Bari iyo Saraakiisha Canshuraha Beriga.

Kulan uu Agaasimahu la qaatay Mas’uuliyiinta Cashuuraha beriga ayaa looga wada-hadlay qiimaynta iyo kor u qaadista dakhliga canshuuraha berriga ee Gobolka Bari, iyadoo laga eegayo ogaanshaha hawlaha Dakhliga ee Socda.

Sidoo kale kulankan ayaa lugu falanqeyey halka ay marayaan ilaha dakhliga hadda jira, gaar ahaan canshuuraha ay bixiyaan mulkiilayaasha gaadiidka ee laga qaado canshuurta 3biloodlaha ah iyo ganacsiyada kala duwan ee Magalada Bosaso

Intii uu socday kulankan ayaa la isla qiray in ay jiraan ilaha canshuuraha qaarkood oo aan si buuxda loo qaadin, loona baahan yahay in la gaaro Yoolalka Dakhli ee u dagsan Wasaradda Maaliyadda Gobolka Bari.

Agaasimaha ayaa Madaxda iyo shaqaalaha Wasaaradda Maaliyadda faray inta lagu guda jiro  ololaha canshuuraha in Ganacsatada iyo bulshada kalaba loo dhimriyo, si wanagsan-na loola dhaqmo, iyadoo la raacayo nimaadyada iyo habraacyada Canshuraha Dowladda Puntland oo siinaya muwaadiniinta xaquuqdooda aas-aasiga ah in aan wax loo gaysan, mar walbana laga codsado in ay gacan siiyaan saraakiisha ku hawlan canshuraha Dowladda.

Ugu dambayn tii kulanka ayaa la isla qaatay in si joogto ah loo qabto kulamo lagu wacyi gelinayo Bulshada iyo Ganacsatada Magaalada Bosaso, kuwaas oo lagu fahansiinayo bixinta Canshuraha iyo la shaqaynta saraakiisha ku hawlan ururinta Canshuraha Dowladda.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland

GAROOWE – Wasiirudowlaha Dowlaha Wasaaradda Maaliyadda Dowladda Puntland Mudane Maxamuud Shiikh Ciid ayaa maanta shir muhiim ah kula yeeshay shaqaalaha Wasaaradda Maaliyadda ee xarunta dhexe ee magaalada Garoowe.

Shirkan ayaa diiradda lagu saaray isla xisaabtan ku aaddan hawlaha shaqo ee Wasaaradda, kor u qaadista hufnaanta adeegyada ay bixiso, iyo sidii loo dardargelin lahaa waajibaadka shaqo ee horyaalla xilligan shaqaalaha.

Wasiirudowlaha ayaa la wadaagay shaqaalaha muhiimadda ay leedahay wada shaqeynta joogtada ah, isla xisaabtanka hufan, iyo ka shaqeynta horumar waara oo lagu gaarsiiyo Wasaaradda heerar cusub. Wuxuu sidoo kale xusay in waajibka shaqaalaha uu yahay mid qaran, loona baahan yahay in si hufan, daacadnimo leh, iyo masuuliyad sare ku dheehan tahay loogu adeego bulshada Puntland.

Dhanka kale, Wasiirku wuxuu tilmaamay in Wasaaradda Maaliyaddu ay dadaal xooggan ku bixinayso kor u qaadista dakhliga, horumarinta nidaamyada maaliyadeed ee casriga ah, iyo tayeynta shaqaalaha si loo gaaro yoolalka Dowladda Puntland.

Shirkan waxaa ka qaybgalay Ku-xigeenka Xisaabiyaha Guud ee Dowladda Puntland,

Agaasime Ku-xigeenka Maamulka, Agaasime guud Ku-xigeenka Dakhliga, Agaasimayaasha waaxyaha iyo shaqaalaha Wasaaradda Maaliyadda.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland