GAROWE –  Madaxda Wasaardda 𝐌𝐚𝐚𝐥𝐢𝐲𝐚𝐝𝐝𝐚 ayaa maanta hor tegtay 𝐆𝐮𝐝𝐝𝐢𝐠𝐚 𝐃𝐡𝐚𝐪𝐚𝐚𝐥𝐚𝐡𝐚, 𝐌𝐚𝐚𝐥𝐢𝐲𝐚𝐝𝐝𝐚 𝐢𝐲𝐨 𝐗𝐢𝐬𝐚𝐚𝐛𝐚𝐚𝐝𝐤𝐚 ee Golaha Baarlamaanka Dawladda Puntland.

Kulankan ayaa si gaar ah diiradda loogu saaray hannaankii loo maareeyey dakhliga iyo kharashka ku xusan Xisaab-xirka Sannad-maaliyadeedka 2025 iyo hannaanka loo maareeyey dhaqaalaha dowladda ee horyaalla Golaha.

Madaxda Wasaaradda Maaliyadda ayaa Guddiga siiyey xog-warbixineed dhammaystiran, iyagoona ka jawaabay dhammaan Su’aalihii la weydiiyay ee ku aadanaa Xisaab-xirka Sannad-maaliyadeedka 2025

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Madxda Wasaaradda Maaliyadda ayaa maanta Golaha Baarlamaanka Dowladda Puntland hor geeyey 𝐗𝐢𝐬𝐚𝐚𝐛-𝐱𝐢𝐫𝐤𝐚 𝐌𝐢𝐢𝐬𝐚𝐚𝐧𝐢𝐲𝐚𝐝𝐝𝐚 𝟐𝟎𝟐𝟓.

Kullanka Golaha waxaa Shir guddoomiyay Guddoomiyaha Golaha Wakiillada , Hon

Cabdirisaaq Axmed Saciid, oo ay weheliyaan Guddoomiye Ku-xigeenka 1-aad Ee Golaha Hon

Maxamed Baari  iyo Guddoomiye Ku-xigeenka 2-aad Ee Golaha Hon Maxamed Maxamuud Ciise.

Kusimaha Wasiirka ahna Wasiir Ku-xigeenka Wasaaradda Maaliyadda Dowladda Puntland Mudane Axmed Yaasiin Saalax ayaa Golaha xog dheeri ah ka siiyey Xisaab-xirka Miisaaniyadda 2025 Wasaaradduna soo diyaariyey.

Dhigaysiga xogta Wasiirka ka dib 𝐗𝐢𝐬𝐚𝐚𝐛-𝐱𝐢𝐫𝐤𝐚 ayaa lagu wareejiyey 𝐆𝐮𝐝𝐝𝐢𝐠𝐚 𝐌𝐚𝐚𝐥𝐢𝐲𝐚𝐝𝐝𝐚, 𝐃𝐡𝐚𝐪𝐚𝐚𝐥𝐚𝐡𝐚 𝐢𝐲𝐨 𝐗𝐢𝐬𝐚𝐚𝐛𝐚𝐚𝐝𝐤𝐚, kuwaas oo ku samayn doona akhrinta labaad. Waxaa la filayaa inay Golaha dib ugu soo celiyaan 28-ka Luulyo 2026, si dood iyo go’aan rasmi ah loogu gaaro sida xogta Golaha lagu sheegay.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Agaasime Guud Ku-xigeenka Dakhliga Wasaaradda Maaliyadda Dowladda Puntland Mudane Abdiqaadir Axmed

Xaashi ayaa maanta Tababar u furay shaqaalaha Xafiiska Dakhliga iyo Ciidanka ilaalada Canshuuraha iyo qaybo ka mid shaqaalaha ka hawlgala Dakhliga.

Furitaanka tababarka waxaa goob-joog ka ahaa Agaasimaha Cashuuraha Beriga iyo saraakiil ka tirsan Wasaaradda Maaliyadda.

Ujeedka tababarka ayaa ah in shaqaalaha Dakhliga iyo Ciidanka ilaalada Canshuuraha la baro Baarista Cashuuraha (Tax Audit) hababka dabagalka cashuuraha iyo nidaamyada saxda ah ee loo maro baarista cashuuraha, iyadoo ujeeddadu tahay kor u qaadidda aqoonta iyo xirfadaha shaqaalaha.

Agaasime Guud Ku-xigeenka Dakhliga ayaa sheegay in tababarkani uu muhiimad weyn u leeyahay horumarinta awoodda shaqaalaha iyo Ciidamada iLaalada cashuuraha isagoo ku boorriyey ka qaybgalayaasha inay si buuxda uga faa’iidaystaan muddada uu tababarku socdo.

Waxaa xusid mudan in Casharrada tababarkan loo qabtay Ciidamada illaalada cashuuraha iyo shaqaalaha ka hawlgala Dakhliga uu bixinayo Madaxa Hoggaanka Cashuuraha Maxamed Ilka-case.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

BOOSAASO – Wasiiru-dowlaha Wasaaradda Maaliyadda Dowladda Puntland, Mudane Maxamed Maxamuud Arbac uuna weheliyo Wasiir-ku-xigeenka Wasaaradda Dekedaha iyo Gaadiidka Badda, Mudane Eng. Maxamed Cali Maraykan ayaa maanta booqasho shaqo ku tegay Kastamka wasaaradda Maaliyadda ee Dekedda Boosaaso.

Wasiirka waxaa halkaasi kusoo dhoweeyey Maamulaha Furdooyinka Mudane Maxamed Yuusuf waxana uu booqaday Xafiisyada Wasaaradda ee ay ka socdaan shaqooyinka kala duwan.

Maamulaha ayaa Wasiirka la wadaagay warbixin ku aadan heerka dakhli iyo shaqooyinka cashuurista beedeecadaha ka soo dekedda dekadda oo ah mid shaqaysa habeen iyo maalin, madaxda iyo shaqaalaha Wasaaradduna heeganka ku jiraan sidii bulshada loogu shaqeeyn lahaa.

Ugu dambeyntii Wasiiru-Dawlaha Wasaaradda Maaliyadda Muudane Maxamed Maxamuud Arbac ayaa bogaadiyey shaqooyinka socda waxaana uu mas’uuliyiinta Wasaaradda kula dardaarmay hufnaan iyo dardargalinta dakhliga.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa shir gudoomiyey Kulan looga hadlay dardargelinta dakhliga dalka.

Kulankan oo lagu qabtay xarunta dhexe ee Wasaaradda ayaa waxaa ka soo qeyb galay agaasime guud ku xigeenka Dakhliga, Xisaabiyaha Wasaaradda Maaliyadda ee Gobolka Nugaal,agaasimayaasha Waaxyaha Dakhliga iyo Mas’uuliyiinta kale ee Dakhkiga.

Intii uu socday kulankan ayaa diiradda lagu saaray arimaha dakhli kicinta ee Mudnaanta leh ayna ka mid yihiin, Dardargalinta Howlaha Dakhli ee Goboladda dalka ka socda, kor u qaadida wada shaqaynta Wasaaraddaha iyo Hay’addaha Dakhliga kala shaqeeya wasaaradda Maaliyadda, la dagaalaanka cashuur diidka ka hor taga badeecadaha cashuurta la dhuunta, kordhinta wacyigalinta Cashuuraha iyo fududaynta Adeegyadda Dakhliga.

Shirkan oo kusoo gabgabooday si guul ah ayaa  lagu balamay fulinta dhammaan qodobadii wax ku ool ka ahaa ee looga hadlay.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Xarunta dhexe ee Wasaaradda Maaliyadda Dowladda Puntland ayaa lagu Daah-furay barnaamijyo cusub iyo kuwa dib u habayn lagu sameeyey kuwaas Labada wasaarood ee Maaliyadda iyo hawlaha Guud wada fulinyaan.

Adeegyada laso kordhiyey waxay kala ahaayeen.

1- Adeeg fududaynta cashuuraha Gaadiidka oo laga dhigay 24/7 in laga heli karo goobaha labadda wasaaradood.

2- cashuur bixinta oo la fududeeyey taas oo lasoo kordhiyey lambar gaaban oo cashuur bixiyuhu lacagta ku bixin karo goob kasta uu joogo isaga oo qaraacayaa  *444# ee shirkadda Somtel.

3- in cashuur bixiyuhu u bixin karo cashuurta wada marista 3 biloodle, lixbiloodle iyo Sannadle.

4- aqoonsiga lahaanshaha gaadiidka oo hada laga dhigay kaar (card) halka horay u ahaa warqad.

5-  shatiga gaari wadida (Driver Licences) oo lagu so kordhiyey shati cusub oo bajajta leedahay sidoo kale waqtiga Shatiga guud laga dhigay 5 sano halka uu horay ka ahaa 3 sanno.

6- cashuurta furdooyinka ee gaadiidka bidix la aha loo sameeyey cashuur dhimis dhan 30% .

7- Dib u habayn lagu sameeyey qaabka wada shaqaynta Macradda iyo wasaaraddaha iyadoo adeegooda la fududeeyey.

8- in la dardargalin doono adeegyadda ilaalinta nabadgalyadda wadooyinka oo ay ka dhalanayaan ganaaxyo cidii ku xad gudubta anshaxa nabadgalyadda wadooyinka.

Adeeggan oo ah  nidaam casri ah oo la jaan qaadaya dunida kaas oo fududaynyaa u adeega  bulshada.

Daah-furkan barnaamijkan waxaa ka qaybgalay Wasiirku Xigeennada iyo Agaasimayaasha labada wasaaradood ee Maaliyadda Hawlaha guud, Taliska Ciidamada iLaalada cashuuraha iyo ilaaladda wadooyinka, agaasime ku xigeenka PHA, xeer ilaaliye ku xigeenka, agaasime guud ku xigeenka dakhliga, madaxda bangiyadda, shiradaha isgaarsiinta, shirkadda PIITECH iyo Mas’uulyiin kale.

Intii ay Munaasabaddan ay socotay ayaa halkaasi laga soo jeediyey khudbado ay mas’uuliyiintii ka qaybgalay ku amaaneen in barnaamijkan uu yahay mid muhiim ah.

Ugu dambeyntii Labada Wasiir ku xigeen ee Labada Wasaaradood ee Maaliyadda iyo hawlaha Guud ayaa kaarkii ugu horreeyay gudoon siiyey mawaadin adeegadan loo qabtay.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Wasiir Ku-xigeenka Dakhliga Wasaaradda Maaliyadda Dowladda Puntland Mudane Axmed Maxamed Bulxan ayaa maanta shir guddoomiyay kulan lagu dardargelinayo kobcinta dakhliga gudaha.

Kulankan waxaa ka qaybgalay Agaasimaha Waaxda Furdooyinka, Agaasimaha Waaxda Canshuuraha Berriga, iyo madaxda qaybaha kala duwan ee Wasaaradda Maaliyadda.

Ujeeddada kulanka ayaa ahayd xoojinta iyo horumarinta nidaamka dakhliga, gaar ahaan cashuuraha berriga Guud ahaan Gobolada dalka.

Intii uu socday kulanku, waxaa si gaar ah diiradda loo saaray sidii loo hirgelin lahaa cashuuraha berriga ee aan weli si buuxda loo qaadin qiyo sidii loo xoojin lahaa kuwa hore u jiray si loo kordhiyo wax-soo-saarka dakhliga dowladda.

Waxana jiray doodo muhiim ah oo lagu soo bandhigay kulanka kuna aadanaa Hirgelinta cashuuraha beriga ee aan weli laqaadin iyo xoojinta cashuurahii horay u hirgeliy si loo helo dakhligii Dowladdu dalka ku hor marin lahayd.

Ugu dambeyntii, Wasiir Ku-xigeenka Dakhliga Mudane Axmed Maxamed Bulxan ayaa bogaadiyay dadaalka madaxda iyo shaqaalaha Wasaaradda isagoo ku adkeeyay in la sii laba jibbaaro shaqada lana xoojiyo hirgelinta cashuuraha berriga si loo gaaro koboc dhaqaale oo waara oo dalka lagu horumarin karo.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Agaasime Guud ku-xigeenka Dakhliga ee Wasaaradda Maaliyadda Puntland Mudane Abdiqaadir Axmed Xaashi uuna weheliyo Agaasimaha waaxda Cashuuraha beriga Cabdulqaadir liibaan ayaa maanta daah-furay tababar loo qabtay 22 shaqaale ah kana hawlgala Wasaaradaha Maaliyadda iyo Ganacsiga.

Ujeeddada tababarkan ayaa ah in la xoojiyo aqoonta iyo xirfadaha shaqaalaha ka shaqeeya arrimaha canshuuraha, waxaana uu salka ku haya fahamka xisaab-xirka dakhliga, habraacyada canshuur ururinta iyo sida saxda ah ee ay shaqaaluhu ula macaamilayaan ganacsatada marka ay soo gudbinayaan xisaab-xirkooda.

Agaasimaha Guud ku-xigeenka Dakhliga ayaa ku boorriyey shaqaalaha ka qaybgalaya Tababarkan in ay si buuxda uga faa’iideystaan kana dhaliyaan aqoon wax ku biirin doonta tayeynta adeegyada canshuuraha iyo kor u qaadidda dakhliga dowladda.

Tababarkan waxaa soo qaban qaabiyay Wasaaradda Maaliyadda waxaana lagu qabtay Jaamacadda PSU ee Garowe.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Madaxda Wasaaradda Maaliyadda Dowladda Puntland ayaa xarunta Golaha Baarlamaanka kulan kula yeshay Guddiga Maaliyadda Dhaqaalaha iyo Xisaabaadka Golaha Baarlamaanka Dowladda Puntland

Kulankan waxaa ka qayb galay Wasiirka Wasaaradda Maaliyadda, Wasiir ku-xigeenka Maaamulka, Agaasimaha Guud ee Wasaaradda Maaliyadda, Agaasime Guud Ku-xigeenka Dakhliga, Agaasimaha waaxda Miisaaniyadda iyo Mas’uulyiin kale oo ka tiraan Wasaaradda.

kulankan intii uu socday mas’uuliyiinta Wasaaradda Maaliyadda ayaa guddiga la wadaagay xog ku aadan miisaaniyadda, iyagoo ka jawaabay su’aalo muhiim ah oo ay xildhibaannadu ka weydiiyeen ajandaha.

Ugu dambeyn, Guddiga Maaliyadda, Dhaqaalaha iyo Xisaabaadka ayaa uga mahadceliyay mas’uuliyiinta Wasaaradda sida ay uga soo qeyb galeen kulanka, iyo doorkooda muhiimka ah ee ku aaddan diyaarinta miisaaniyadda sannadka 2026.

Baahintii

Xafiiska Wayi-gelinta iyo Warfaafinta

Wasaaradda Maaliyadda Dawladda Puntland

GAROOWE – Wasiirka Wasaaradda Maaliyadda Mudane Maxamed Faarax Maxamuud oo ay weheliyaan Ku-simaha Xisaabiyaha guud ee Dawlada Puntland, ahna Ku-xigeenka Xisaabiyaha Guud Mudane Caali Jaamac Gaashaan Iyo Agaasime Ku-xigeenka guud ee Dakhliga Cabdulqaadir Axmed Xaashi ayaa gudoomiyey kulanka billaha ee kala war-qaadashada Xisaabiyeyaasha gobalada Iyo madaxda sare ee Wasaaradda Maaliyadda.

Kulankan oo ay sidoo kale ka qayb-galeen Agaasimaha waaxda cashuuraha Beriga, saraakiisha xisaabaadka guud Iyo dakhliga ayaa u qabsoomay hab fogaan arag ah (Zoom) waxaana xooga lagu saaray wax yaabaha ka qabsoomay qaladaadkii uu baaristii ugu danbaysay kusoo bandhigay Hantidhawrka guud ee Dawlada Puntland, gaar’ahaan dhanka Dakhliga.

Xisabiyeyaasha gobalada ayaa madaxda sare ee Wasaaradda usoo bandhigay talaabooyinka ay qadeen Iyo wax yaabaha u qabsoomay ee ay  ku saxeen habka qabashada Iyo xaraynta Dakhliga Dawlada, waxayna tilmaameen inay isbadel weyn Ku sameeyeen habkii Dakhli xaraynta Dawlada.

Ku-simaha Xisaabiyaha guud ee Dawladda Iyo agaasime guud ku-xigeenka dakhliga ayaa dhankooda qiray horumarka laga sameeyey dakhliga, waxayna ku gubaabiyeen Xisaabiyeyaasha gobalada inay sii labba jibaaraan shaqada ayna xooga saaraan kor joogtaynta Iyo ilaalinta shaqooyinka dakhli qabasho ee ka socda goobaha dakhliga, waxayna balan qaadeen inay fududayn doonaan wax yaabaha dhankooda Ku aadan oo ay kamid tahay tababaro dhawaan loo furi doono Shaqaalaha gobalada.

Wasiirka WasaaraddaMaaliyadda mudane Maxamed Faarax Maxamuud oo Kulanka Soo xiray ayaa Xisaabiyeyaasha gobalada ku aamanay dadaalka shaqo ee muuqda, wuxuuna ugu baaqay inay sii xoojiyaan dadaalka ayna u kala war qaadan doonaan si bille ah si Loo ogaado hadba wixii qabsoomay.

Baahintii

Xafiiska Wacyi-gelinta iyo Warfaafinta Wasaaradda Maaliyadda Dowladda Puntland