GARACAD – Guddi uu Hoggaaminayo Wasiirka Wasaaradda Maaliyadda Dowladda Puntland Mudane Maxamed Faarax Maxamuud ahna Guddoomiyaha Guddiga Dardargelinta Ganacsiga Puntland ayaa gaaray magaaladda Garacad ee degmada Jariiban gobolka Mudug.

Guddiga oo ku sugan magaalada Garacad ee dagmada Jariiban ayaa waxay booqdeen Dekeda Garacad oo ay ka socdaan shaqooyinka dejinta badeecadaha ay wadaan doonyaha iyo maraakiibta ku suu xirtay Dekeda.

Sidoo kale Guddiga ayaa waxa ay booqdeen xafiisyada Wasaaradda Maaliyadda, goobaha Xannaanada Xoolaha sida xarumaha Baarista iyo Maxjarka xoolaha ee Garacad.

Guddigan oo uu hoggaaminayo Wasiirka Maaliyadda Dowladda Puntland Maxamed Faarax Maxamuud ayaa warbixino ka dhagaystay mas’uuliyiinta Dekeda Garacad, howlwaddeenada Wasaaradda Maaliyadda iyo maamulayaasha maxjarka xoolaha ee Garacad.

Waxaa xusid mudan in gudigu horey u soo booqdeen Qardho iyo Booasaao.

Baahinta

Xafiiska Warfaafinta iyo Wacyigalinta
Wasaaradda Maaliyadda
Dowlada Puntland

BOOSAASO – Wasiirka Wasaaradda Maaliyadda ahna Guddoomiyaha Guddiga Dardargelinta Ganacisga Puntland Mudane Maxamed Faarax Maxamuud iyo Guddiga Dardargalinta dakhliga ayaa kormeer shaqo ku tagay goobaha dakhliga soo xeraynta Wasaaradda Maaliyadda gobolka Bari.

Wasiirka iyo Guddiga waxaa halkaasi ku soo dhoweeyey Maamulaha Furdooyinka gobolka Bari, Taliyaha Dekedda iyo Mas’uulyiin kale.

Maamulaha Furdooyoinka Maxamed Yuusuf ayaa Wasiirka xog dheeri ah ka siiyey shaqooyinka cashuurista badeecadaha soo dega iyo kuwa ka dhoofaya Dekeda , waxana Wasiirku booqday xafiisyada Wasaaradda.

Sidoo kale Wasiirka iyo Guddiga ayaa booqday Kastamka Wasaaradda Maaliyadda ee Garoonka Diyaaradaha xili ay halkaasi ka socdeen shaqooyinkii cashuurista badeecadaha ay wadaan Diyaaradaha xamuulka.

Guddiga dardargelinta Ganacisga Puntland ayaa Boosaaso u joogaa xogo ku aadan dardargalinta Ganacisga Puntland.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Wasiir Kuxigeenka Maamulka Wasaaradda Maaliyadda Dowladda Puntland Mudane Eng Cabdulaahi ismaaciil Maxamed oo uu waheliyo Agaasimaha Guud ee Wasaaradda Mudane Axmed Jaamac Jowle ayaa kormeeray dhammaan xafiisyada Wasaaradda ee xarunta dhexe Garoowe.

Ujeedka kormeerka ee xafiisyada ayaa ahaa in uu Wasiirku wax ka ogaado shaqooyinka socda, caqabadaha Xafiisyada ka jira iyo sidii loo xoojin lahaa shaqada Wasaaradda.

Agaasimaha Guud ee Wasaradda Maaliyadda Dowladda Puntland Mudane Ahmed Jaamac Jowle ayaa wasiirka warbixin guud ka siiyay qaabka ay u kale shaqeeyaan Xafiisyada kale duwan ee Wasaaradda iyo shaqaalaha ka howlgala shaqooyinka ay qabtaan.

Wasiir Kuxigeenka Maamulka Wasaaradda Maaliyadda Mudane Eng Cabdulaahi ismaaciil ayaa shaqaalaha Wasaaradda ku booriyay in ay muujiyaan dadaal dheeri ah oo ku aadan qaabka shaqada ay u wadaan, sidoo kale waxaa u sheegay in loo baahan yahay in qof waliba waajibad iska saaro shaqada uu u hayo bulshada.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

BOOSAASO – Guddiga Dardargelinta Ganacsiga Puntland oo uu hoggaaminayo Wasiirka Wasaaradda Maaliyadda Puntland Mudane Maxamed Faarax Maxamuud ayaa kulan la qaatay Ganacasatada gobolka Bari.

Kulanka ayaa looga hadlay iskaashiga Dowladda iyo ganacsatada ee ku aadan kobcinta dhaqaalaha dalka iyo wax soosaarka sidii kor loogu qaadi lahaa.

Intii uu socday sidoo kale kulankan waxaa si wayn looga dooday wax soosaarka dalku ubaahan- yahay, sida loo maalgelinkaro, sida bulshadu uga faa’idaysan karto iyo sidii Puntland u gaari lahayd isku filaansho dhaqaale.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

BOOSAASO – Wasiirka Wasaaradda Maaliyadda Dowladda Puntland Mudane Maxamed Faarax Maxamuud ahna Guddoomiyaha Guddiga Dardargelinta Ganacsiga Puntland iyo wafti uu hoggaaminayo ayaa gaaray magaaladda Boosaaso ee xarunta gobolka Bari.

Mas’uuliyiinta ayaa booqday Labada Maxjar ee Xoolaha ee Boosaaso, waxana ay kulan la qaateen Maamulka Maxjarada oo Guddiga xog ka siiyey habsami u socodka shaqada iyo tayada Xoolaha.

Guddigu intii ay ku sugnaayeen Maxjarada waxa ay booqdeen, Goobaha Xannaanada Xoolaha dhoofka, Xarumaha Baarista iyo Xafiisyada Maamulka Maxjarada.

Madaxweynaha Dowladda Puntland Mudane Siciid Deni isagoo ka duulaya Barnaamijka wax-qabadka Xukuumadda ee Horumarinta Wax-soo-saarka iyo kobcinta dhaqaalaha ayuu dhowaan Magacaabey Guddigan.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Xukuumadda uu hoggaaminayo Mudane Madaxweyne Siciid Cabdulaahi Deni waxaa ay higsanaysaa dib u casriyeynta xarumaha shaqada Dowladda dhammaan gobolada dalka si bulshadu u helaan xarumo horumarsan.

Xarunta dhexe ee Wasaaradda Wasaaradda Maaliyadduna waxa ay qayb ka tahay xarumaha dib u casriyayta lagu sameeyey.

Dhismaha xarumaha Dowladdu waxa ay ku yimaadeen ka dib markii Bulshada Puntland cashuuraha ku waajibay ay bixiyeen.
Fadlan muwaadin bixi cashuurta si aynu uga shaqayno dib u dhiska dalka.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Wasiirka Wasaardda Maaliyada Dowladda Puntland Mudane Maxamed Faarax Maxamuud oo uu weheliyo Wasiir Kuxigeenka Dakhliga Mudane Axmed Maxamed Bulxan ayaa maanta kormeer shaqo Ku tagey xarunta dakhliga Wasaaradda Maaliyadda, wuxuuna halkaasi Ku kormeereen xafiisyada kala duwan ee heer gobal iyo xarunta dhexe ee Dakhlig.

Wasiirka ayaa kulan la qaatay Agaasimaha guud ee Wasaaradda Maaliyadda, Agaasime guud ku-xigeenka Dakhliga,Agaasimayaasha waaxyaha, Xisaabiyayaasha gobaladda Nugaal iyo Sool, Madaxda kala duwan ee xarunta, waxayna dhamaantood wasiirka warbixin kasiiyeen habsami u socodka shaqada siiba kor u qaadista dakhliga iyo yoolasha la hiigsanaayo.

Ugu dambayn Wasiirka Wasaaradda Maaliyada Mudane Maxamed Faarax Maxamuud ayaa mas’uuliyiinta uu la kulmay kula dardaarmay inay sii xoojiyaan dadaalka shaqo ee ay gacanta Ku hayaan, isla markaana ay mar walba keenaan aragtiyo cusub oo dakhliga lagu hormarinaayo.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Wasiirka Wasaaradda Maaliyadda Dowladda Puntland Mudane Maxamed Faarax Maxamuud oo ay weheliyaan Wasiiru dowlaha iyo Wasiir ku-xigeenada Wasaaradda Maaliyadda ayaa maanta kulan la qaatay Agaasimaha guud ee Wasaaradda Maaliyadda, Agaasime ku-xigeenada guud, xisaabiye ku-xigeenka guud, Agaasime waaxeedada iyo Xisaabiyayaasha gobaladda.

Kulankan ayaa ujeedadiisu ahayd isbarasho ayaa la isku waydaarsaday sidii loo horumarin karo habsami u socodka shaqada, gaar ahaan dardar gelinta dakhliga Dowladda.

Agaasimaha Guud ee Wasaaradda Maaliyada Mudane Axmed Jaamac Jowle oo ugu horayn Wasiirka warbixin ka siiyey habsami u socodka shaqada ayaa sheegay in wax weyn ay wasaaradda u qabsoomeen bilihii u danbeeyey, sanadkana ay u degan yihiin qorshalayaal lagu horumarinayo doorka Wasaaradda siiba kor u qaadista dakhliga.

Dhanka kale Agaasime waxeedada iyo Xisaabiyayaasha gobalada ayaa Wasiirka uga warbixiyey dadaalada shaqo ee ka socda gobaladda kala duwan iyo hiigsiga kor loogu qaadaayo dakhliga Dowladda.

Ugu dambayn, Wasiirka Wasaaradda Maaliyada Puntland Maxamed Faarax Maxamuud oo shirka soo xiray ayaa dhammaan mas’uuliyiinta Wasaaradda ugu baaqay in ay muujiyaan dadaal dheeri ah qof walbana mas’uuliyada dheeri ah iska saaro sidii kor loogu qaadi lahaa dakhliga Dowladda, si ay Dowladdu ugu filnaato bixinta xaquuqaha kala duwan, ugana shaqayn lahayd horumarinta dalka.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Madaxweyne Kuxigeenka Dowladda Puntland Mudane Ilyaas Cismaan Lugatoor ayaa xilka u kala wareejiyey Wasiirkii hore ee Wasaaradda Maaliyadda Mudane Maxamed Cabdiraxmaan Dhabancad oo ay weheliyaan Wasiir kuxigeenada iyo Wasiiru Dowlaha Wasaaradda, waxaana xilka lagu wareejiyey Wasiirada cusub ee Wasaaradda oo u hoggaaminayo Wasiir Maxamed Faarax Maxamud.

Xafladda waxaa goob-joog ka ahaa Agaasimaha Guud ee Wasaaradda Maaliyadda, Gudigga qabanqaabada Xil wareejinta, Xildhibaano ka tirsan Golaha wakiiladda, madaxda iyo qayb ka mid ah Shaqaalaha Wasaaradda Maaliyadda.

Agaasimaha Guud ee Wasaaradda Maaliyadda Mudane Axmed Jaamac Jowle ayaa soo jeediyey xogta Wasaaradda iyo waxqabadkii Wasaaradda Maaliyadda muddadii uu hoggaaminayey Wasiirkii hore Mudane Dhabancad, wuxuu sidoo kale soo dhaweeyey Wasiirka cusub ee Wasaaradda Mudane Maxamed Faarax Maxamuud.

Mudane Maxamed Cabdiraxmaan Dhabancad, Wasiirkii hore ee Maaliyadda ayaa ka hadlay wixii u qabsoomay Wasaaradda mudadii uu xilka hayey, waxaana uu u mahadceliyey Madaxdii iyo shaqaalihii mudada la soo shaqaynayey, Wasiirka cusubna wuxuu u rajeeyey shaqo wanaagsan.

Wasiirka cusub ee Wasaaradda Maaliyadda Dowladda Puntland Mudane Maxamed Faarax Maxamuud ayaa Wasiirkii hore uga mahad celiyey sida uu uga shaqeeyey Wasaaradda, waxaana uu sheegay in uu shaqada Wasaaradda halkeeda ka sii wadi doono.

Ugu dambayn, Madaxweyne Kuxigeenka Dowladda Puntland Mudane Ilyaas Cismaan Lugatoor ayaa Wasiirkii hore ku ammaanay hufnaan iyo hawl karnimo, Wasiirka cusubna u rajeeyey in uu guto waajibaadkiisa shaqo.

Madaxweynaha ayaa shaqaalaha iyo madaxda u sheegay in Dowladdu ku tiirsan tahay dakhliga ay Wasaaradda Maaliyaddu soo saarto.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa u hambalyeeyey Wasiirada Wasaaradda Maaliyadda ee xilka loo dhaariyey.

Mudane Axmed Jaamac Jowle Agaasimaha Guud oo ku hadlay afka Madaxda iyo shaqaalaha Wasaaradda ayaa sheegay in ay Madaxda cusub ku soo dhoweynayaan Wasaaradda ilaahayna uga baryayaan in xilka loo igmaday uu u fududeeyo.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland