GAROOWE – Wasiir ku-xigeenka Maaamulka Ahna siihaya Xilka wasiirka Wasaaradda Maaliyadda Mudane Axmed Yasiin Saalax uuna weheliyay Wasiir dowlaha Wasaaradda Maaliyadda Mudane Maxamed Maxamuud Cismaan (Arbac) ayaa maanta kormeer shaqo booqasho ku tegay xarunta dakhliga Wasaaradda Maaliyadda ee Caasimadda.

Mas’uuliyiinta ayaa waxaa xarunta si diirran ugu soo dhaweeyay Wasiir ku-xigeenka Dakhliga Wasaaradda Axmed Maxamed Bulxan,Agaasimaha Guud ee Wasaaradda Mudane Axmed Jaamac Jowle iyo Mas’uulyiin kale oo ka tirsan Wasaaradda Maaliyadda.

Wasiirka iyo Wasiiru-Dawlaha ayaa kormeer ku mareeray xafiisyada kala duwan ee xarunta waxayna wax ka ogaadeen habsami u socodka shaqooyinka maalinlaha ah iyo tayada adeegyada la bixiyo.

Wasiirku Xigeenka dakhliga Wasaaradda Maaliyadda Dowladda Puntland Mudane Axmed Maxamed Bulxan ayaa Madxda xarunta dakhliga soo booqday xog dheeraad ah ka siiyey heerka Guud ee Dakhliga iyo Shaqooyinka socda.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Xarunta dhexe Wasaaradda Maaliyadda ayaa lagu qabtay kulan muhiim ah oo ay wada yeesheen mas’uuliyiinta Wasaaraddaha Maaliyadda iyo Caafimaadka.

Kulankan ayaa diiradda lagu saaray tayeynta iyo kor u qaadidda kantaroolka xirfadlayaasha caafimaadka iyo sidoo kale dardargelinta dakhliga ka soo xarooda adeegyada ay bixiyaan xirfadlayaasha caafimaadku.

Kulanka waxaa goob joog ka ahaa Agaasimaha Guud ee Wasaaradda Maaliyadda Mudane ,Agaasimaha Guud ee Wasaaradda Caafimaadka, Agaasime Guud Ku-xigeenka Dakhliga Wasaaradda Maaliyadda iyo masuuliyiin kale oo ka kala socday labada wasaaradood.

Intii uu kulanku socday waxaa si qoto dheer looga dooday habka ugu habboon ee lagu kordhin karo dakhliga xirfadlayaasha caafimaadka iyadoo la xoojinayo nidaamyada kantaroolka iyo isla xisaabtanka.

Ugu dambeyn, kulanka ayaa ku soo dhammaaday is afgarad wanaagsan waxaana la isla gartay in la sii amba qaado wada shaqeynta iyo in la qabto kulamo kale oo lagu xoojinayo arrimaha la isla soo qaaday.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Wasiir ku-xigeenka Dakhliga ee Wasaaradda Maaliyadda Dowladda Puntland Mudane Ahmed Bulxan ayaa maanta tababar u soo xiray qaar ka mid ah shaqaalaha Wasaaradda Maaliyadda.

Xiritaanka tababarka waxaa goob joog ka ahaa Agaasimaha Guud ee Wasaaradda Maaliyadda, Mudane Ahmed Jama Jowle, Agaasime ku-xigeenka Dakhliga Mudane Cabdulqaadir Axmed Xaashi, Agaasimayaasha Waaxyaha qaybo ka mid ah, Guddoomiye ku-xigeenka Jaamacadda Puntland State University, iyo masuuliyiin kale oo ka socotay Jaamacadda.

Tababarka loo soo xiray shaqalaaha ayaa ka koobnaa labo qeybood oo kale ah Tababarka PFM (Public Financial Management) iyo Tababarka canshuuraha nimaadka sida loo mareeyo.

Ujeeddada tababarradan kala duwan ayaa ahayd kor u qaadista aqoonta iyo xirfadaha shaqaalaha gaar ahaan kuwa ka shaqeeya xisaabaadka iyo canshuuraha, si loo xoojiyo tayada shaqo iyo hufnaanta maamulka dakhliga.

Tababarka waxaa bixisay Puntland State University, iyadoo uu iskaashi dhow uu ka dhexeeyo Jaamacadda iyo Wasaaradda Maaliyadda.

Agaasime ku-xigeenka Dakhliga ayaa ka hadlay muhiimadda tababarku u leeyahay shaqaalaha isagoo xusay in uu kor u qaadayo tayada shaqo iyo hufnaanta maamulka dakhliga.

Sidoo kale, Agaasimaha Guud ee Wasaaradda Maaliyadda Mudane Axmed Jaamac Jawle oo halkaasi ka hadlay ayaa sheegay in Wasaaraddu ay ka go’an tahay horumarinta aqoonta shaqaalaha si loo xoojiyo aqoontooda.

Wasiir ku-xigeenka Dakhliga Wasaaradda Maaliyadda Mudane Axmed Bulxan ayaa dhankiisa tilmaamay in Wasaaradda Maaliyaddu ay sii xoojin doonto xiriirka ay la leedahay bahda waxbarashada gaar ahaan Jaamacadda PSU si shaqaalaha Wasaaradda iyo kuwa kale ee xafiisyada ka yimid ay uga faa’iidaystaan tababarrada noocan oo kale ah.

Ugu dambeyn, Wasiirka ayaa shaqaalaha Wasaaradda kula dardaarmay in aqoonta ay soo barteen laga rabo in lagu hormariyo Shaqooyinka bulshada Puntland loo hayo.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Madaxda Wasaaradda Maaliyadda Dowladda Puntland ee dhowaan xilka la wareegtay ayaa booqday Xafiisyada kala duwan ee Wasaaradda Maaliyadda xarunta dhexe ee Garoowe.

GAROOWE – Madaxda cusub ee Wasaaradda Maaliyadda Dowladda Puntland oo maanta kulan la qaatay Shaqaalaha Wasaaradda Maaliyadda.

Kulan waxaa shir-guddoominayay Wasiir Ku-xigeenka Maamulka Wasaaradda ahna siihaya Xilka wasiirka ayna weheliyaan Wasiiru-Dawlaha Wasaaradda, Xisaabiyaha Guud ee Dowladda iyo ku-xigeenkiisa Xisaabiyaha Guud ee Dowladda.

Kulanka waxaa ka qaybgalay Agaasimaha Guud ee Wasaaradda Maaliyadda, Ku xigeenka Agaasimaha Guud ee Dakhliga, Agaasimeyaasha waaxyaha, Madax qaybteeda iyo shaqaalaha Wasaaradda.

Kulanka ayaa ujeeddadiisu ahayd isbarasho iyo xoojinta wada shaqeynta iyadoo madaxdu ay shaqaalaha ku dhiirrigeliyeen in ay dardargeliyaan howlaha shaqo isla markaana sii laba jibaaraan dadaalkooda.

Wasiir-dowlaha Wasaaradda Maaliyadda Mudane Maxamed Maxamuud Cismaan (Arbac) iyo Xisaabiyaha Guud ee Dowladda Puntland Mudane Cali Cabdi Waaxid Xuseen oo la hadlay shaqaalaha Wasaaradda ayaa bogaadiyey dadaalka shaqaalaha, shaqo kasta oo la qabtona ay tahay mid leh mas’uuliyad loona bahan yahay in is wadajir ah loo qabto.

Wasiir Ku-xigeenka Maamulka Wasaaradda Maaliyadda Mudane Axmed Yasiin Saalax ayaa isna hadal dhiirrigelin ah u jeediyay shaqaalaha, isagoo si gaar ah u bogaadiyay shaqada ay hayaan iyo kaalinta ay ka qaataan horumarinta nidaamka shaqo iyo soo saarista dakhligii dalka lagu hormarin lahaa muhiimna tahay in in la xoojiyo wada jirka guud ahaan.

Ugu dambeyntii kulanka ayaa la isla qaatay wada jira iyo in dadaal dheeri ah lgu bixiyo in dakhliga kor loo qaado.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROWE – Wasiir Ku-xigeenka Maamulka Wasaaradda Maaliyadda ahna Ku-simaha Wasiirka Mudane Axmed Yasiin Saalax uuna weheliyay Wasiir dowlaha Wasaaradda Maaliyadda Mudane Maxamed Maxamuud Cismaan (Arbac) ayaa maanta shir la yeeshay xisaabiyeyaasha gobollada ee Wasaaradda Maaliyadda.

Kulankan oo ka dhacay xarunta dhexe ee Wasaaradda Maaliyadda ayaa diiradda lagu saaray horumarinta dakhliga dowladda iyo is barasho guud.

Intii uu shirka socday waxaa si qoto dheer looga dooday caqabadaha jira iyo fursadaha lagu xoojin karo dakhliga gobollada iyadoo la isla gartay muhiimadda ay leedahay wada shaqeyn dhow iyo hirgelinta nidaamyo casri ah oo kor u qaadi kara dakhliga dalka.

Ku-simaha Wasiirka Wasaaradda Maaliyadda Mudane Axmed Yasiin Saalax ayaa xisaabiyeyaasha ku bogaadiyey dadaalka ay wadaan isaga oo ku dhiirrigeliyay inay sii xoojiyaan shaqadooda isla markaana laba jibaaraan sidii loo kordhinlahaa dakhliga gobollada ee dalka.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Wasiir ku-xigeenka Maaamulka Wasaaradda Maaliyadda Puntland, Wasiiru-dowlaha Wasaaradda, Xisaabiyaha Guud ee Dowladda iyo ku-xigeenkiisa ayaa maanta si rasmi ah ula wareegay xilalkooda.

Munaasabadda xil wareejinta oo lagu qabtay Xarunta dhexe ee Wasaaradda ayaa waxaa goob joog ka ahaa guddiga xil wareejinta Wasiir ku-xigeenka Dakhliga, Agaasimaha Guud ee Wasaaradda, Agaasime ku-xigeenka Dakhliga, Agaasimeyaasha waaxyaha iyo saraakiil kale oo ka tirsan Wasaaradda.

Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle oo ka hadlay munaasabadda xil wareejinta ayaa madaxda cusub siiyay warbixin guud oo ku saabsan habraaca iyo hannaanka shaqo ee Wasaaradda.

Sidoo kale, Wasiir ku-xigeenka Dakhliga ee Wasaradda Maaliyadda Puntland Mudane Ahmed ayaa si diirran ugu soo dhoweeyay madaxda cusub Wasaaradda.

Madaxii hore ee xilalka wareejiyay ayaa iyaguna ka warbixiyay shaqooyinkii ay qabteen, muddadii ay xilka hayeen iyagoo u mahadceliyay dhammaan shaqaalaha Wasaaradda ee la soo sheqeeyey.

Dhankooda, madaxda cusub ayaa u mahadceliyay masuuliyiintii ka horreysay waxayna bogaadiyeen shaqooyinka ay soo qabteen isla markaana ballanqaadeen inay sii xoojin doonaan howlaha shaqo ee xarumahaasi Wasaaradda.

Baahintii

Xafiiska Waycy-gelinta iyo Warfaafinta Wasaaradda Maaliyadda Dawladda Puntland

GAROOWE – Wasiir Ku-xigeenka Wasaaradda Maaliyadda Dowladda Puntland ayaa maanta goobjoog ka ahaa shir muhiim ah oo lagu kala saxiixday heshiis ku saabsan habaynta iyo kala xaddeynta canshuuraha u dhexeeya Dowladda Hoose iyo Dowladda Dhexe.

Shirka waxaa goobjoog ahaa Wasiirka Wasaaradda Deegaanka, Wasiirka Wasaaradda Arrimaha Gudaha, Wasiirka Wasaaradda Ganacsiga, Agaasimaha Guud ee Wasaaradda Maaliyadda, Agaasimaha Guud ee Wasaaradda Arrimaha Gudaha iyo mas’uuliyiin kale oo ka tirsan Wasaaraddaha kulanka ka qaybgalay.

Shirkan ayaa qayb ka ahaa kulamo horay udhacay ujeedkiisuna ahaa in la helo nidaam mideysan oo lagu maareeyo canshuuraha si loo xoojiyo wada shaqeynta hay’adaha dowladda iyo kor u qaadista dakhliga.

Heshiiskan waxaa si wadajir ah uga shaqeynayey guddiyo ka kala socday Wasaaradda Maaliyadda, Wasaaradda Arrimaha Gudaha, Wasaaradda Ganacsiga, Wasaaradda Kalluumeysiga, Wasaaradda Caddaaladda, Wasaaradda Duulista iyo Garoomada, iyo sidoo kale Xafiiska Hanti-dhowrka Guud.

Shirkan ayaa lagu gaaray heshiis wax ka beddel ku sameynaya qaabka loo kala qaato canshuuraha Dowladda Hoose iyo Dowladda Dhexe iyadoo la dejiyay hannaan cad oo hufan oo labada dhinac u sahli doona fulinta waajibaadkooda maaliyadeed.

Ugu dambeyn, heshiiskan ayaa la filayaa inuu door weyn ka qaato xoojinta nidaamka maaliyadeed ee Puntland iyo kor u qaadista hufnaanta iyo isla xisaabtanka hay’adaha dowladda waxaana saxiiyey Wasiiradii goobjoga ahaa.

Baahintii

Xafiiska Wayi-gelinta iyo Warfaafinta Wasaaradda Maaliyadda Dawladda Puntland

GAROOWE – Agaasimaha Guud ee Wasaaradda Maaliyadda Dowladda Puntland, Mudane Ahamed Jama Jowle, ayaa daah-furay tababar ay ka faa’iidaysanayaan shaqalaha toddoba wasaaradood iyo Bangiga Dhexe ee Dowladda Puntland, kaas oo ka furmay Xarunta Dhexe ee Wasaaradda Maaliyadda.

Tababarkan waxaa bixinaya koox khubaro ah (team) oo horay loogu soo tababaray adeegsiga hababka casriga ah ee falanqaynta dhaqaalaha (Economic Models)

Ujeeddada ugu weyn ee tababarkan ayaa ah xoojinta awoodda hay’adaha dowladda ee ku aaddan ururinta, falanqaynta iyo adeegsiga xogaha dhaqaale, si go’aannada iyo qorsheyaasha dowladda ay u noqdaan kuwo ku dhisan xog sax ah.

Agaasimaha Guud ee Wasaaradda Maaliyadda Dowladda Puntland, Mudane Ahmed Jama Jowle oo ka hadlay munaasabadda daah-furka tababarka, ayaa carrabka ku adkeeyay muhiimadda uu tababarkani u leeyahay hay’adaha dowladda isagoo xusay in adeegsiga xog sax ah iyo falanqayn cilmiyeed ay saldhig u tahay horumar dhaqaale.

Tababarkan ayaa la qorsheeyay in uu socdo muddo laba maalmood ah waxaana ka qaybgalaya xirfadlayaal ka kala socda wasaaradaha iyo Bangiga Dhexe ee Dowladda Puntland.

Baahintii

Xafiiskii Wacyigelinta iyo Warfaafinta Wasaaradda Maaliyadda Dawladda

GAROOWE – Madaxda Wasaaradda Maaliyadda Dowladda Puntland waxay bogaadinayaan dadaalka iyo ka-qaybgalka Agaasimeyaasha Guud iyo Agaasimeyaasha Waaxyaha Qorsheynta iyo Dabagalka ee Hay’adaha Dowladda Puntland.

Mas’uuliyiintan ayaa si guul leh u soo gabagabeeyay tababar socday muddo shan (5) maalmood ah kaas oo diiradda lagu saarayay xoojinta, horumarinta iyo tayeynta nidaamka dowladnimo,qorsheynta iyo dabagalka hay’adaha Dowladda Puntland.

Dowladda Puntland waxay adkeynaysaa muhiimadda ay leeyihiin tababarro noocan ah, kuwaas oo door muhiim ah ka qaadanaya tayeynta awoodda shaqaalaha, xoojinta isla xisaabtanka iyo hirgelinta hannaanka maamul ee casriga ah ee Dowladda.

Xafiiska Wayi-gelinta iyo Warfaafinta

Wasaaradda Maaliyadda Dawladda Puntland