GAROOWE – Agaasime Guud Kuxigeenka Dakhliga Wasaaradda Maaliyadda Dowladda Puntland Mudane Cabdulqaadir Axmed Xaashi ayaa xarunta dhexe ee Wasaaradda Maaliyadda ku qaabilay koox baaris ku samayn doona habka loo fuliyey mashaariicda Bangiga Adduunnka ka fuliyey Puntland.

Shirkan waxaa ka soo qayb galay Kuxigeenka Hantidowrka Puntland, Ku-xigeenka Xisaabiyaha Guud ee Dowladda, Madax ka socotay Shirkadda PKF oo fadhigoodu UK iyo mas’uulyiin kale.

Shirkan intii uu socday ayaa looga hadlay mashaariicda world Bank Puntland Laga fuliyey sanadkii 2022 ee ay ka mid yihiin DRMPFM, CIP iyo SURP-para.

Mas’uulyiinta shirkada PKF ayaa saldhigga ugu wayn kuleh UK, waxana ay laan ku leedahay Kenya iyagoo gacan siin doona hanti dhowrka Puntland.

Bangiga Aduunka ayaa baaris ku sameeya sanad walba Mashariicda uu dalka ka fuliyo.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Wasiir Ku-xigeenka Dakhliga ee Wasaaradda Maaliyadda Dowladda Puntland Mudane Cali Cumar caarshe oo ay waheliyaan Agaasimiyaasha Bangiga Dowladda Puntland ayaa maanta ku shiray xarunta Bangiga Dowlada Puntland.

Ujeedada shirkan ayaa ahaa sidii Laanta Bangiga ee Degmada galdogob looga hirgalin lahaa loona xoojin lahaa wada shaqaynta Wasaaradda Maaliyadda ee Xafiiska Galdogob.

Laanta bangiga ee galdogob ayaa door weyn ka qaadan doonta daboolida baahiyo badan oo deegaanka kajiray.

Dowladda Puntland ayaa waday horumarin lagu balaarinaayo adeeg bixinta bangiga dowladda si bulshadda loogu fududeeyo in adeega dowladdu goob walba ku gaaro.

Shirka waxaa qeyb ka ahaa Agaasime Guud ku-xigeenka Dakhliga ee Wasaradda Maaliyadda, Xisaabiyaha Gobolka Mudug ee Wasaradda iyo Madax kale.

Xafiiska Wacyi-gelinta Iyo Warfaafinta
Wasaaradda Maaliyadda
Dowladda Puntland

GAROOWE- Wasiir Kuxigeenka Dakhliga ee Wasaaradda Maaliyadda Puntland Mudane Cali Cumar Caarshe iyo Agaasime xigeenka Guud ee Bankiga Dowladda Yuusuf Maxamed Faarax ( Gees ) ayaa kormeeray shaqaalaha labada Hay’adood ee ka hawl gala Airportka General Maxamed abshir Airport taas oo ah baraha uu dakhligu ka soo xeroodo.

Kormeerka kadibna Mas’uulyiinta ayaa kulan kuwada qaatay airportka kaas oo ay uga wada hadleen wax ka bedel iyo casriyayn lagu sameeyay nidaamka ururinta iyo xeraynta dakhliga kaas oo laga hirgeliyay dhammaan goobaha dakhliga ayna mudo kawada shaqaynayeen Bankiga dowladda iyo wasaarada Maaliyadda .

Waxaa kulanka goob joog ka ahaa Maareeyaha Guud ee airport-ka Muuse Abdirashiid Jamac, Agaasime kuxigeenka Guud ee dakhliga cabdiqaadir Maxamed Xaash, Agaasimaha Waaxda Furdooyinka, Xisaabiyaha gobolka Nugaal , hawl wadeeno iyo mas’uuliyiin ka socday labada Hay’adood ,waxana isfahan laga gaaray sida ugu wanaagsan ee ay ku wada shaqayn karaan.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Agaasime Guud Kuxigeenka Dakhliga Wasaaradda Maaliyadda Dowladda Puntland Mudane Cabdulqaadir Axmed Xaashi ayaa Shir guddoomiyey kulanka asbuuclaha ah ee horumarinta shaqada Wasaaradda Maaliyadda.

Kulanka ayaa lagu qabtay xarunta dhexe ee Wasaaradda waxaana ka soo qayb galay Agasimayaasha waaxyaha Wasaaradda iyo Mas’uulyiin kale kale.

Shirkan ayaa looga hadlay Siyaasada & Qorshihii iibka 2024, Horumarinta dakhliga, Qorshaha tababarada shaqaalaha iyo kor uqaadida wada shaqaynta shaqaalaha Wasaaradda.

Dhammaan qodobada shirkan lagu soo badhigay ayaa laysla qaatay fulintooda si loo gaaro guulo wax ku ool ah bulshadana loogu adeego.

Cabdulqaadir Axmed Xaashi agaasime guud ku xigeenka Dakhliga ayaa bogaadiyey qodobada shirka waxana uu Agaasimayaasha waaxyaha kula dardaarmay in qodobadan dabagal lagu sameeyo hirgelintooda.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa shir la yeeshay Shaaqalaha Xarunta dhex ee Wasaradda Maaliyadda.

Kulanka shaqaalaha iyo Agaasimaha ayaa waxaa looga hadlay sidii loo xoojin lahaa shaqada Wasaaradda loogana qeyb qaadan lahaa hormarka Wasaaradda iyo isla xisaabtanka waajibadka masuuliyada qofka ee imanshaha shaqo gelista.

Agaasimaha waaxda Maamulka iyo Maaliyadda Mudane Cabdifataax Cali Jaamac ayaa Agaasimaha guud u soo badhigay xogaha shaqooyiinkii iyo shaqaalaha Wasaaradda Maaliyadda.

Intii u socday shirka waxaa xooga lagu sarayay hannaanka shaqo galka shaqaalaha xarunta dhex ee Wasaradda.

Agaasimaha Guud ee Wasaaradda Maaliyadda oo soo xiray shirka ayaa ka hadlay ahmiyada shaqada iyo Waajibaadka shaqo ee qofka laga rabo hada ka dibna qof waliba lagu la xisaabtami doono shaqada iyo waajibadka saaran.

Dhinaca kale Agaasimaha guud ayaa xusay in abaal marin kala duwan ay heli doonaan shaqalaha Shaqada loo igmaday ka soo baxa ayna la socdaan qof waliba shaqada uu hayo ee loo xilsaaray.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Agasimaha Guud ee Wasaaradda Maaliyadda Mudane Axmed Jaamac Jowle ayaa shir guddoomiyey kulanka asbuuclaha ah ee horumarinta shaqada Wasaaradda Maaliyadda.

Shirkan ayaa looga hadlay qodobo ay ka mid yihiin dib u habaynta xogta shaqaalaha Wasaaradda Maaliyadda 2024 Xafiiska HR-kana loo bandhigay xogta horumarinta shaqaalaha Wasaaradda.

Qorshayaasha horumarinta leh ee 2024-ka kuna aadan shaqooyinka loo diyaariyey shaqaalaha Wasaaradda ee dhanka kor uqaadida dakhliga gobolada.

Qorshayaasha dib u casriyanta wax iibsiga Wasaaradda Maaliyadda 2024-ka tayayna lagu sameeyo Xafiiska qaablsan.

Agasimaha guud ee Wasaaradda Maaliyadda Dowladda Puntland Mudane Axmed Jaamac Jowle ayaa Agasimayasha waaxyaha Wasaaradda kula dardaarmay xoojin shaqada iyo kor uqaadida dakhliga.

Shirkan waxaa ka soo qayb galay Agaasime guud ku xigeenka Dakhliga, Agaasimahaysha Waaxyaha Wasaaradda, Xisaabiyaha Wasaaradda Maaliyadda Gobolada Nugaal, madax qaybeedyada iyo Mas’uulyiin kale oo ka tirsan Wasaaradda Maaliyadda.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE- Wasiir Kuxigeenka Dakhliga Wasaaradda Maaliyadda Dowladda Puntland Mudane Cali Cumar Caarshe ayaa shir gudoomiyey kulan looga hadlaayey kobcinta dakhliga.

Sharkan ayaa ka dhacay xarunta dakhliga Wasaaradda Maaliyada ee Caasimada, waxaana ka soo qayb galay Agaasimaha guud ee Wasaaradda Maaliyadda, Agaasime guud ku-xigeenka Dakhliga, Agaasimahaysha Waaxyaha Wasaaradda qaybo kamidah, ku xigeenka Xisaabiyaha Guud ee Dowladda, Maamulaha Furdada Bosaaso, Xisaabiyayaasha gobolada Sool iyo Nugaal iyo Mas’uulyiin kale.

Sharkan ayaa siwayn looga hadlay Horimarinta, dabagalka dakhliga guud ahaan gobolada Puntland iyo saxida hannaanka goobaha shaqada ee Wasaaradda Maaliyadda.

Sidoo kale intii uu socday shirkan waxaa looga hadlayay shaqooyinka dhanka Xisaabaadka kuna aadan in dhammaan goboladu yeesheen khasad midaysan oo ku aadan Dalkhliga.

Ugu dambayn sharkan ayaa lagu go’aamiyey meelmarinta go’aamadii horumarinta shaqada ee la isla qaatay.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa kormeer shaqo ku tagay Garoonka Diyaaradaha Caasimada.

Kormeerkan shaqo Agaasimaha waxaa ku weheliyey Agaasime Guud ku xigeenka Bankiga Dowladda Puntland, Agaasimaha Waaxda Furdooyinka,Xisaabiyaha Wasaaradda Maaliyadda Gobolada Nugaal iyo Mas’uulyiin kale.

Kormeerkan ayaa salka ku hayay furi- taanka laan cusub oo Bankiga Dowladdu ku yeesho Garoonka Diyaaradaha Caasimada ayna isla arkaan Madaxda Wasaaradda Maaliyadda iyo madaxda Bangiga, shaqadeena maanta bilowado.

Laanta Bangiga ee Garoonka ayaa noqon doonta mid daboosha baahiyaha muwaadininta ka dhoofaya kana soo degaaya Garoonka ee adeeg sada lacagaha qalaad Wasaaradda Maaliyadduna qayb ka qaadan doonto.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

Agaasime Guud Kuxigeenka Dakhliga Wasaaradda Maaliyadda oo kulan la qaatay Hay’adaha Wasaaradda ka taageera soo xareynta Canshuurta Gaadiidka[Sawirro]

GAROOWE – Agaasime Guud Kuxigeenka Dakhliga Wasaaradda Maaliyadda Puntland Mudane Cabdulqaadir Axmed Xaashi ayaa kulan la qaatay hay’adaha Wasaaradda Maaliyadda ka taageera soo xeraynta canshuurta gaadiidka.

Kulankan ayaa ahaa mid kor loogu qaadayo soo xeraynta Dakhliga waxaa ka soo qayb galay madax ka socotey Wasaaradda Hawlaha guud iyo Gaadiidka oo uu hogaaminayey Agaasimaha Guud ee Wasaaradda, Agaasimaha Cashuuraha Berig Wasaaradda Maaliyadda,shirkadda PIITECH, saraakiisha Ciidamada ilaalada canshuuraha iyo saraakiisha Ciidamada nabadgalyada wadooyinka Puntland.

Kulanka oo mudo socday ayaa siwayn looga dooday hannaanka wada shaqaynta iyo soo xeraynta gaadiidka aan cashuurta bixin waxaana shirkaasi siwayn loogu ammaanay Bulshada u heelan in ay cashuurta bixiyaan.

Agaasime guud ku xigeenka Dakhliga ayaa Umahad celyey dhammaan madaxdii kulan kaasi ka soo qayb gashay aragtidoodana ka dhiibtay kor uqaadida dakhliga.

Ugu dambayn sharkan waxaa ka soo baxay in maalinta berri ah hadii ale idmo dhammaan gobolada dalka uu ka bilaaman doonaan ollaha cashuurta gaadiidka.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Xildhibaannada Golaha Wakiillada Dawladda Puntland ayaa ansixiyey Miisaaniyad KMG ah ee Dawladda ku shaqeyn doonto muddo 6 bilood ah taas oo Wasaaradda Maaliyadda Golaha u soo gudbiyeen, kadib codsi Madaxweyne oo ku saabsanaa ansixinta miisaaniyad KMG ah ee bilaha January – June, 2024 laguna sii dhaqmo Miisaaniyad Sannadeedkii 2023.

Miisaaniyada KMG ayaa ku saleysan Miisaaniyadii hore ee sannadkii 2023, taas oo aheyd $376,699,825, ( Saddex boqol todobaatan lix malyan lix boqol sagaashan iyo sagaal kun sideed boqol labaatan iyo shan dollar).

Wasiirka Wasaaradda Maaliyadda Dawladda Puntland Mudane, Maxamed Cabdiraxmaan Dhabancad ayaa khudbad uu ka jeediyey Aqalka Wakiillada waxa uu ku faah-faahiye Miisaaniyadda KMG ah ee bilaha January – June, 2024, si waafaqsan Qodobka 135-aad ee Dastuurka Dawladda Puntland.

Wasiirka ayaa ku sheegay ku talo-galka dhakhliga gudaha ahaa $97,212,528 oo bishii ku qoondaysan 8,101,044, dhakhligaan oo ku xaroonaya saddex iyo toban madax oo ka kala imanaya dhammaan gobollada Puntland.

Xildhibaanadii hore Golaha Wakiillada Dawladda Puntland ayaa ku sameeyay akhriskii 2aad.

Intaa kadib, Fadhiga oo ay goob-joog ahaayeen 56 Xildhibaan, ayaa cod gacan-taag ah Oggol ugu codeeyey 54 Xildhibaan, Diidmo 1, Aamus 1 , sidaas ayeyna ansax ku noqotay Miisaaniyada KMG ah ee Bilaha January – June, 2024

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland