GAROOWE – Wasiirka Wasaaradda Maaliyadda Dowladda Puntland Mudane Maxamed Faarax Maxamuud ayaa shir guddoomiyey kulanka horumarinta shaqada Wasaaradda Maaliyadda oo lagu qabtay xarunta dhexe ee Wasaarada.

Kulanka Wasiirka waxaa ku weheliyey Wasiirudowlaha Wasaaradda,Wasiirku xigeenka Wasaaradda, Wasiirku xigeenka dakhliga, Agaasimaha guud ee Wasaaradda, Agaasime guud ku-xigeenka Maamulka, Agaasime guud ku-xigeenka Dakhliga, ku-xigeenka Xisaabiyaha Guud ee Dowladda iyo Agaasimeyaasha waaxyaha Wasaaradda.

Kulanka ayaa intii uu socday Agasimayaasha waaxyuhu soo badhigeen shaqooyinka laqabtay ee horumarka laga sameeyey, kuwa harsan ee aan laqaban  iyo qorshayaasha dagsan ee dhanka shaqada Wasaaradda.

Wasiirka ayaa boggaadiyey dhammaan shaqooyinka horumarka laga sameeyey ee Wasaaradda kuna ad keeyey Agaasimayaasha waaxyaha in ay sameeyaan dadaal dheeri ah oo ku aadan qabashada shaqooyinka hortebinta leh ee Wasaaradda.

Baahintii

Xafiiska Wacyi-gelinta iyo Warfaafinta Wasaaradda Maaliyadda

Dowladda Puntland

GAROOWE – Madasha la latashiga Dadwayanaha ee Miisaaniyadda Dowladda Puntland  2025 ayaa ka furmay hoolka shirarka ee Martisoor Hotel Garoowe.

Kulankan waxaa ka qayb galay  Madaxda Wasaaradda Maaliyadda oo uu Hoggaaminayo Wasiirka Wasaaradda Maaliyadda Dowladda Puntland iyo bulshada Rayidka ah qaybaheeda kala duwan.

Baahintii

Xafiiska Wacyi-gelinta iyo Warfaafinta Wasaaradda Maaliyadda

Dowladda Puntland

GAROOWE – Ciidamada ilaalada Cashuuraha ee gobolka Nugaal oo muddo ku jiray tababar ayaa ugu dambayn loo soo gabagabeeyey.

Tababarkan waxaa Ciidamada u soo xiray Agaasimaha Guud ee Wasaaradda Maaliyadda Puntland oo ay weheliyaan Hoggaanka  Ciidamada ilaalada Cashuuraha Puntland iyo Taliyaha Ciidamada ilaalada cashuuraha gobolka Nugaal.

Ciidamada ayaa qaatay aqoon ku aadan ilaalinta cashuuraha iyo lama caamilka bulshada Cashuur bixiyaha ah ee Puntland, waxaana loo dhamaystiray inta badan agabkii ay ku hawl gali la haayeen.

In la tayeeyo Ciidamada ilaalada cashuuraha ayaa qayb ka Siyaasadda ay u dajiyeen Madaxda Wasaaradda Maaliyadda ee uu hoggaaminayo Wasiirka Wasaaradda Maaliyadda Mudane Maxamed Faarax Maxamuud ee ku aadan tayeynta ciidamada ilaalada cashuuraha Dowladda Puntland.

Waxaa xusid mudan in ay socdaan qorshayaal ku aadan tayaynta Ciidamada ilaalada cashuuraha ee gobolada kala ee Puntland.

Baahintii

Xafiiska Wacyi-gelinta iyo Warfaafinta Wasaaradda Maaliyadda

Dowladda Puntland

QARDHO – Wasiir Kuxigeenka Wasaaradda Maaliyadda Dowladda Puntland Mudane Eng Cabdullaahi Ismaaciil Maxamed ayaa safar iyo kormeer shaqo kusoo gaaray magaaladda Qardho ee xarunta gobolka Karkaar.

Kormeerka wasiir ku xigeenka ayaa salka ku hayey dardargalinta dakhliga iyo horumarinta goobaha shaqada Wasaaradda si wax badan looga ogaado shaqada ay hayaan Madaxda iyo shaqaalaha Wasaaraddu.

Xisaabiyaha Wasaaradda Maaliyadda ee gobolka Karkaar Yaasiin Cabdi Boos ayaa Wasiirka halkaasi ku soo dhoweeyey, waxana uu la wadaagay shaqooyinka socda ee horumarka laga gaaray iyo qabadaha jira ee u baahan in la saxo.

Ugu dambayn Eng Cabdullaahi Ismaaciil Maxamed ayaa shaqaalaha iyo madaxda wasaaradda uga mahad-celiyay shaqooyinka wanaagsan ee ay shacabka u hayaan, Wuxuuna kula dardaarmay in lasii xoojiyo u adeegida bulshadda.

Baahintii

Xafiiska Wacyi-gelinta iyo Warfaafinta Wasaaradda Maaliyadda

Dowladda Puntland

BAREEDA – Agaasimaha Guud ee Wasaaradda Maaliyadda Dowladda Puntland Mudane Axmed Jaamac Jowle ayaa ka hadlay Doonyo ay soo qabteen Ciidamada Booliska gobalka Raasa-Casayr gaar ahaan Ciidamada ilaalada Cashuuraha Wasaaradda Maaliyadda.

Labadan doonyood ayaa laga leeyahay dalka Yeman sifo sharrci darro ahna uga Kalluumeysanayay Xeebaha degmada Bareeda ee gobolka Raasa-Casayr.

Agaasimaha Guud  ayaa la hadlay Xafiiska Wacyi-gelinta iyo Warfaafinta Wasaaradda Maaliyadda.

“Waxaan boggaadinayaa Saraakiisha ciidamada Booliiska gobolka Raasa-Casayr oo garab siinaya Ciidamada ilaalada cashuuraha Wasaaradda Maaliyadda hawal galkan ay qaadeen si loo ilaaliyo khayraadka iyo dakhliga dowladda Puntland “

“Waxaan kula dardaar mayaa Madaxda iyo shaqaalaha Wasaaradda Maaliyadda gobolka Raasa-Casayr in ay laba jibaaraan dardargalinta dakhliga gobolka”..ayuu yiri

Doonyahan oo ay saaran yihiin Kalluun ay si xatooyo ah Badda u gala bexeen ayaa la filayaa in sharciga la horgeeyo si looga qaado talabaada ku haboon.

Waxaa xusid mudan in hawal galkan ay hoggaaminaayeen Xisaabiyaha Wasaaradda Maaliyadda gobolka Raasa-Casayr, Taliyaha qaybta gobolka G/sare Fu’aad Maxamuud Xuseen iyo  mas’uulyiin kale.

Baahintii

Xafiiska Wacyi-gelinta iyo Warfaafinta Wasaaradda Maaliyadda

Dowladda Puntland

GAROOWE – Kulanka la Xisaabtanka Madaxda Dakhliga Wasaaradda Maaliyadda gobolka Bari iyo Guddiga Goobta Shaqada ayaa lagu qabtay xarunta dhexe ee Wasaarada.

Guddoomiyaha Guddiga Goobta Shaqada ee Wasaaradda Maaliyadda ahna Agaasimaha guud Mudane Axmed Jaamac Jowle oo ay weyeliyaan qaar kamida xubnaha Guddiga goobta shaqada ayaa shir guddoomiyey kulan u dhexeeyey Guddiga iyo qaar ka mida mas’uuliyiinta Wasaaradda Maaliyadda gobolka Bari.

Kulankan oo loogu yeeray Maamulaha Cashuuraha Beriga,Maamulaha Kastamka Garoonka Diyaaradaha iyo Khasnajiyada Wasaaradda ee gobolka.

Kulankan wuxuu qayb ka ahaa sixidda shaqada Wasaaradda iyo la xisaabtanka mas’uuliyinta heer gobol si horumar looga sameeyo lana saxo caqabadaha dhanka shaqada ah lana hirgaliyo talo soo jeedinadii xafiiska Hantidowrka Gudaha Wasaaradda Maaliyadda ee uu ka soo gud biyey gobolada Bari,Karkaar iyo Mudug.

Ugu dambayn Kalanka ayaa laysla qaatay in la saxo dhammaan khaladaadkii maamul ee horay u jiray si loo horumariyo hannanka shaqo ee dakhliga loona gaaro hiigsiga Xukuumadda ee kor u qaadida dakhliga gudaha dalka.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Guddiga Goobta Shaqada ee Wasaaradda oo kulan la qaatay Madaxda Wasaaradda Maaliyadda ee gobolka Karkaar.

Kulanka waxaa shir Guddoomiyey Agaasimaha Guud ee Wasaaradda Maaliyadda Punland Mudane Axmed Jaamac Jowle oo ay weheliyaan Guddiga Goobta shaqada laguna qabtay xarunta Wasaaradda.

Xisaabiyaha Wasaaradda Maaliyadda ee gobolka Karkaar, Maamulaha Cashuuraha Beriga iyo Khasnajiga gobolka Karkaar ayaa kulanka qaybgalay Guddiguna la wadaageen warbixin dhanka shaqada ah oo horay Hantidowrka Gudaha Wasaaraddu Guddiga u soo badhigay taasi u baahan in la saxo qaladaadkii dhanka shaqada, la horumariyo hannaanka goobaha dakhliga ee Wasaaradda ee gobolka Karkaar.

Ugu dambayn kalanka ayaa lagu saxay dhammaan wax yaabihii horay ay u soo gudbiyeen Hantidowrka Gudaha kuna aadanaa horumarinta shaqada Wasaaradda ee gobolka Karkaar.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

BOOSAASO – Wasiir Kuxigeenka Wasaaradda Maaliyadda oo uu weheliyo Wasiirudowlaha Wasaaradda ayaa kormeer shaqo ku tagey Kastamka Garoonka iyo xarunta Cashuuraha Berriga.

Kormeerka shaqo ee Wasiirka iyo Wasiirudowlaha waxaa ku weheliyey mas’uuliyiin kale oo katirsan Wasaaradda Maaliyadda.

Wasiirada ayaa ugu horayn booqday Kastamka Wasaaradda Maaliyaddu ku leedahay garoonka diyaaradaha Boosaaso, waxaana ay halkaasi kula kulmeen Maamulaha Kastamka oo uga warbixiyey shaqooyinka socda ee ay ka mid yihiin cashuurista badeecadaha ay wadaan Diyaaradaha wada kaargooga waxana ay booqdeen xafiisyada.

Eng Cabdullaahi Ismaaciil Maxamed, Wasiirku xigeenka Wasaaradda Maaliyadda iyo Wasiirudowlaha Wasaaradda Maaliyadda Maxamuud Sheikh Ciid ayaa sidoo kale booqaday xarunta cashuuraha berriga iyo Xafiiska yada Wasaaradda.

Maamulaha Cashuuraha Berriga Yuusuf Maxamed Yuusuf ayaa Wasiirada xog dheeri ah ka siiyey heerka dakhliga, xogta shaqaalaha iyo horumarka laga sameeyey dardargalinta dakhliga.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

BOOSAASO – Wasiir Kuxigeenka Wasaaradda Maaliyadda Dowladda Puntland Mudane Eng Cabdullaahi Ismaacil Maxamed oo hawlo shaqo u jooga Boosaaso ayaa kormeer shaqo ku tagay Kastamka Dekada iyo Bangiga Dowladda laanta gobolka Bari.

Wasiirka ayaa ugu horayn booqday Xafiisyada Wasaaradda Maaliyaddu ku leedahay Dekada, waxaana halkaasi ku soo dhoweyey Maamulaha Furdooyoinka gobolka Bari Maxamed Yuusuf, Taliye Ku-xigeenka Ciidamada Dekada iyo mas’uulyiin kale oo ka tirsan Wasaaradda.

Maamulaha ayaa Wasiirka la wadaagay shaqooyiinka socda ee ay ka mid yihiin cashuurista badeecadaha Dekada ka soo dega, kuwa ka dhoofa, heerka dakhliga iyo shaqooyinka ka socda Xafiisyada Wasaaradda, waxaana
Wasiirku booqday dhammaan xafiisyada iyo goobaha ay ka socdaan cashuurista badeecadaha, isagoo bogaadiyey shaqooyinka socda Madaxda iyo Shaqaalahana kula dardaarmay in la sameeyo dadaal dheeri ah oo ku aadan dardargalinta dakhliga iyo udeegida bulshada adeeg sata Dekada.

Ugu dambayn Wasiirka ayaa booqday Bankiga Dowladda laanta gobolka Bari, waxaana uu halkaasi kula kulmay Mmas’uulyiinta Bankiga, waxana ay ka wada hadleen habsami u socodka shaqada bangiga iyo sida loo xeryeeyo dakhliga.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland

GAROOWE – Agaasimaha Guud ee Wasaaradda Maaliyadda Dowladda Puntland ahna Guddoomiyaha Guddiga goobta shaqada ee Wasaaradda Mudane Axmed Jaamac Jowle ayaa shir Guddoomiyey Kulan looga hadlayey horumarinta shaqada Wasaaradda.

Ujeedka shirkan ayaa ahaa in Guddiga loo soo bandhigo natiijooyinka baaritaannada Dakhliga ee gobolada Bari,Karkaar iyo Mudug iyo in la gala tashado sidii xal loogu heli lahaa ciladaha iyo khaladaadka shago ee ka jira goboladaasi oo warbixin ay ka soo sameeyeen Hantidhowrka gudaha Wasaaraddu.

Agaasimaha Guud ayaa dhageystay aragtiyada iyo soo jeedinada Guddiga ee la xiriirta xogta Hantidhowrka Gudaha ee Wasaaradda Maaliyadda, waxayna ay soo jeediyeen tallooyin wax ku ool ah oo ku aadan sida shaqada iyo shaqaalaha Wasaaradda loo horumarin lahaa xalna loogu heli lahaa khaladaadka farsamo iyo kuwa maamul ee qaybta dakhliga lagu soo arkay.

Baahintii

Xafiiska Wacyi-gelinta iyo Warfaafinta
Wasaaradda Maaliyadda
Dowladda Puntland