Agaasime Guud Kuxigeenka Wasaaradda Maaliyadda Dowladda Puntland oo Kulan la qaatay Waaxyaha Dakhliga[Sawirro]
GAROOWE – Agaasime guud ku-xigeenka Dakhliga Wasaaradda Maaliyadda Dowladda Puntland Mudane Cabdulqaadir Axmed Xaashi ayaa shir gudoomiyey kulan uu la yeeshay waaxyaha dakhliga laguna qabtay Xarunta dhexe ee dakhliga.
Kulanka oo ay ka soo qayb galeen Agaasimahaysha waaxyaha iyo madax qaybeedyada ayaa looga hadlay
Sagaalkii bilood ee la soo dhaafay horumarka la sameeyey kicinta dakhliga Gobolada dalka, Caqabadii jiray iyo shaqooyinka dhanka Dakhliga lagu hor marinaayo.
Intii uu socday Shirkan ku aadan dardargalinta dakhliga waxaa la soo bandhigay Qorshaha hortabinta dakhliga ee Sanadka soo socda hadii Alle idmo ee 2026 oo siwayn looga dooday.
Ugu dambayn Cabdulqaadir Axmed Xaashi Agasime guud ku-xigeenka Dakhliga Wasaaradda Maaliyadda ayaa bogaadiyey xogihii la soo bandhigay kuna adnaa dardargalinta dakhliga waxana uu Mas’uulyiinta kulanka ka qaybgalay ku booriyay in laga sugaayo dakhligii dalka lagu Difaaci lahaa laguna hormarin lahaa.
Baahintii
Xafiiska Wacyi-gelinta iyo Warfaafinta Wasaaradda Maaliyadda Dowladda Puntland